栢檔極品海南雞飯

Open Now

Now Closed

今日收工出九龍灣淘大花園食飯，呢間海南雞飯專門店主打無激素去骨海南雞，價錢都好大眾化，套餐都幾抵食，有齊主菜，老火湯，時菜同甜品～王牌無味精靚湯熱辣辣，都幾豐富足料，味道清甜又唔會太油膩，冇味精所以唔會越飲越口乾～ 🐣極品海南雞海南雞肉質嫩滑，外皮爽口而不油膩😋，肥瘦適中，雞皮與雞肉中間會搵到一層啫喱狀嘅膠原蛋白，配上專用三色醬，個人最鍾意配辣椒醬，酸酸辣辣好開胃，同海南雞最夾～ 配埋雞油香飯，好香雞油味又唔會油淋淋～🥬健康翠綠時菜山菜翠綠爽脆，都幾大碟，配上蠔油最夾～香煎手剁魚香肉餅份量好多，肉餅煎到好香又唔會太油～ 咬落去肉質軟嫩，味道鹹香～ 手剁令肉質較有彈性，又保持咬口，值得推薦👍🏻香麻辣鳳爪同普通泰式鳳爪味道唔同，味道香麻香辣，鳳爪起咗骨好爽脆，作為開胃小食非常合適～整體來講，食物質素唔錯，價錢親民～ 服務態度亦非常親切，姐姐上菜嘅時候都會提醒小心熱到燙口～ 地點方便，地鐵站行幾分鐘就到～