大師傅粥品 (屯門時代廣場北翼)

Open Now

Now Closed

尋日同家姐喺屯門行街，見到開咗粥舖，我哋又想食清淡啲，於是就入咗去食平夜晚都好多人，我哋去咗就食咗生滾粥，家姐揀咗個滑牛加魚片生滾粥，我就揀咗個及第粥，由於我哋好為食， 仲揀咗個牛脷酥同埋鮮蝦腸滑牛好大塊，加埋魚片個粥底好鮮甜，而且熱辣辣好好食及第粥都一樣正，特別係佢個黃沙豬膶，好爽滑，推薦，其他粉腸豬肚都好味，好豐富另外一讚係佢個牛脷酥，熱辣辣好鬆軟，忍唔住一舊接一舊🥰而且大大舊好抵食蝦腸都係好足料🥰啖啖蝦我地本來想叫白糖糕，可惜無晒，轉左個黃糖糕都好味🤤今餐性價比好高，百令蚊食到捧住個肚走😊