Video
Read full review
2025-05-25
869 views
今晚黎左呢到食火鍋放題，職員好有心介紹D4餐做梗全日半價優惠，C3餐就做梗買一送一，見到D4餐有日本A4黑毛和牛同龍蝦任食，所以就揀左D4 餐，人均加埋一都係$550。先上左雞煲先，有得揀辣度，我哋揀左少辣，一上枱就聞到好香，雞件份量都幾多，味道濃郁，肉質嫩滑。嗌咗一輪刺身，分別有三文魚，甜蝦，帶子，希靈魚，鮑片，劍魚腩，特別推介三文魚同劍魚腩，好新鮮肥美。龍蝦好爽口，啖啖肉，配埋佢嘅膏一齊食，真係好正😍😍食完個雞煲就揀咗個湯底打邊爐，我哋揀咗冬瓜薏米湯。海鮮方面，我哋叫左鮑魚，蜆，帆立貝，蟶子，黃金螺，鮑魚好爽口鮮味十足；另外呢度的蜆同蟶子都好爆汁，而且唔會有沙👍👍肉類方面，分別叫左A4和牛外腿肉、A4和牛肩、澳洲M5和牛，A4和牛外腿肉牛肉味好濃，估唔到入口好軟嫩。M5和牛就比較瘦，相對冇咁油膩。黑豚肉咬入口幾有口感，豬肉味夠。除咗海鮮、刺身、肉類，另外仲有炸物串燒同埋壽司可以任食，叫左炸午餐肉，炸饅頭同燒雞翼，全部都做得幾好好，入口熱辣辣，特別係炸午餐肉真係做到外脆內軟。外面嘅自助吧枱仲有其他蔬菜類，丸類，粟米，豆腐，牛柏葉，魷魚，估唔到魚皮都有。另外飲品區都有好多選擇，有啤酒，
先上左雞煲先，有得揀辣度，我哋揀左少辣，一上枱就聞到好香，雞件份量都幾多，味道濃郁，肉質嫩滑。
嗌咗一輪刺身，分別有三文魚，甜蝦，帶子，希靈魚，鮑片，劍魚腩，特別推介三文魚同劍魚腩，好新鮮肥美。
龍蝦
好爽口，啖啖肉，配埋佢嘅膏一齊食，真係好正😍😍
食完個雞煲就揀咗個湯底打邊爐，我哋揀咗冬瓜薏米湯。
海鮮方面，我哋叫左鮑魚，蜆，帆立貝，蟶子，黃金螺，鮑魚好爽口鮮味十足；另外呢度的蜆同蟶子都好爆汁，而且唔會有沙👍👍
肉類方面，分別叫左A4和牛外腿肉、A4和牛肩、澳洲M5和牛，A4和牛外腿肉牛肉味好濃，估唔到入口好軟嫩。M5和牛就比較瘦，相對冇咁油膩。
黑豚肉咬入口幾有口感，豬肉味夠。
除咗海鮮、刺身、肉類，另外仲有炸物串燒同埋壽司可以任食，叫左炸午餐肉，炸饅頭同燒雞翼，全部都做得幾好好，入口熱辣辣，特別係炸午餐肉真係做到外脆內軟。
外面嘅自助吧枱仲有其他蔬菜類，丸類，粟米，豆腐，牛柏葉，魷魚，估唔到魚皮都有。
另外飲品區都有好多選擇，有啤酒，汽水等等好多款不同飲品，估唔到連清酒都係任飲。
甜品區都有啫喱，奶凍，雪糕，雪條等等，我食左椰子味雪條，為呢一餐作一個美好的結束。
Post
