天下糧倉牛肉火鍋專門店

Open Now

Now Closed

呢排天氣轉涼，又係捐罅周圍去搵打邊爐嘅時候。今次就比我發現旺角有一間樓上主打高質牛肉嘅打邊爐嘅地方。重點係可以任食和牛，所以今次可以唔使睇價錢叫和牛食！任食限時係120分鐘，價錢都只係$198起。最吸引嘅係可以任食澳洲M7和牛。為左可以試真牛嘅味道，我哋叫左個潮汕牛骨湯底，湯底由牛骨熬成，已有牛嘅鮮味😋🥩肉類你得呢間打邊爐主要都係食牛，首輪會先上一盤唔同部位嘅牛肉俾我哋，食完再叫，到時可以針對自己鍾意嘅部位黎食。佢地嘅牛肉種類繁多，有澳洲M7和牛、澳洲和牛金錢展、牛脷片、封門柳、安格斯牛肩胛、牛板腱、肥牛同鮮牛肉。本人食完後，最推介嘅係M7和牛同安格斯牛肩胛！🦐海鮮依間嘅海鮮選擇就比較少，只有鮮蝦、墨魚仔、青口同花甲呢啲最基本嘅海鮮。🥦蔬菜及其他配料最基本嘅蔬菜都有齊。例如蘿蔔、冬瓜、豆腐、金菇、秀珍菇、萵筍、蕃茄、油麥菜、娃娃菜、生菜等。🍩甜品有一個牌子叫大阪雪糕嘅杯裝雪糕。有海鹽味、伯爵茶味、朱古力味可選擇。🍹飲品牌子唔算多，但種類都齊全，例如可樂、酸梅湯、忌廉飲品、檸檬茶等。黎得呢間打邊爐，其他嘢都唔係重點，只要專攻牛肉就啱啦。佢啲牛肉係真係又高質又抵食，最岩鍾意食肉嘅你。