Video
Read full review
2019-02-26
111 views
近排同女朋友行旺角，見到附近既一張流心奶皇西多士既poster，忍唔住入左去試😈。入到去先知原來係新開既點心鋪，而且仲好高質。-奶皇流沙西多士 $22依個價出去茶記食個普通西多都未必得，麵包炸得好鬆軟，蛋漿落得好足好重蛋香味。奶皇餡一切開個多士就爆曬出黎，奶皇餡質感造得岩岩好 唔會太過稀，奶皇味同咸蛋味亦都配合得恰到好處，超好食！另外仲有黑芝麻流沙揀，下次食我都會試下。🤓-蓮蓉西米焗布甸 $20依樣甜品真係好復古，記得好細個既時候都係跟屋企人去酒樓食過一次，依家亦都係得番某幾間酒樓會造，所以叫左個黎試下！啖啖都食到西米同蓮蓉，應該用左奶皇代替吉士餡。甜度岩岩好，表面亦都燒到焦糖化左，唯一可惜既係奶皇味遮蓋曬蓮蓉味，但如果未試過依款懷舊甜品既可以去依到平平地試下。-黃金流沙包 $22做到流沙既效果，奶皇餡都夠曬香，但包蒸得唔夠鬆軟。-銀津蝦餃王 $32蝦餃皮造得好薄好滑，內餡居然落左四粒蝦仁，好有誠意。-金蒜鮮蝦春卷 $20春卷炸得幾脆幾香，內餡都係好飽滿，唔係幾食到有蒜味，但整體黎講係幾好食。-韭黃鮮蝦腸 $32腸粉又係造到好薄好滑，好抵讚。但係長度就短左少少，可以大條番啲。蝦仁都係落
-
奶皇流沙西多士 $22
依個價出去茶記食個普通西多都未必得，麵包炸得好鬆軟，蛋漿落得好足好重蛋香味。奶皇餡一切開個多士就爆曬出黎，奶皇餡質感造得岩岩好 唔會太過稀，奶皇味同咸蛋味亦都配合得恰到好處，超好食！另外仲有黑芝麻流沙揀，下次食我都會試下。🤓
奶皇流沙西多士
$22
6 views
0 likes
0 comments
-
蓮蓉西米焗布甸 $20
依樣甜品真係好復古，記得好細個既時候都係跟屋企人去酒樓食過一次，依家亦都係得番某幾間酒樓會造，所以叫左個黎試下！啖啖都食到西米同蓮蓉，應該用左奶皇代替吉士餡。甜度岩岩好，表面亦都燒到焦糖化左，唯一可惜既係奶皇味遮蓋曬蓮蓉味，但如果未試過依款懷舊甜品既可以去依到平平地試下。
蓮蓉西米焗布甸
$20
10 views
0 likes
0 comments
-
黃金流沙包 $22
做到流沙既效果，奶皇餡都夠曬香，但包蒸得唔夠鬆軟。
黃金流沙包
$22
4 views
0 likes
0 comments
-
銀津蝦餃王 $32
蝦餃皮造得好薄好滑，內餡居然落左四粒蝦仁，好有誠意。
銀津蝦餃王
$32
16 views
0 likes
0 comments
-
金蒜鮮蝦春卷 $20
春卷炸得幾脆幾香，內餡都係好飽滿，唔係幾食到有蒜味，但整體黎講係幾好食。
金蒜鮮蝦春卷
$20
28 views
0 likes
0 comments
-
韭黃鮮蝦腸 $32
腸粉又係造到好薄好滑，好抵讚。但係長度就短左少少，可以大條番啲。蝦仁都係落得好夠！
韭黃鮮蝦腸
$32
7 views
0 likes
0 comments
-
茶介 $3
茶好似係冇得揀既，得壽眉。
-
呢間既樽仔奶茶奶茶都幾出名，好似係由香港國際奶茶王親手主理，有機會再試下。
-
總括黎講食物質素高、價錢唔貴、唔洗加一，甚至仲比唔少連鎖點心鋪更好食更有誠意。行過先達旺中波鞋街既可以去試一試個西多同布甸！但記住唔好學我咁叫咁多奶皇既點心，因為實在太濟了。🤧
Post
