Video
Read full review
2015-11-25
1381 views
今日放假同朋友係銅鑼灣睇戲，睇完場沉悶嘅戲之後真係特別肚餓，之後就緊行去揾食野。行至銅鑼灣嘅時候朋友突然話好鬼想食啲任食嘅野喎，於是我地就揾左間最近我地嘅放題~~~極尚大瀛喜日本料理。本來以為要等位先入得，但唔知係咪因為我地早左小小黎食野，去到唔洗等已經即刻有位，咁我地就緊係即刻係色彩繽紛嘅點單紙度叫野食喇。餐廳同一般嘅放題舖頭唔不樣，平時一般嘅放題舖都係食客坐定定係度寫紙叫野食，呢度就唔係完全前菜、沙律、甜品和飲品都係自己出去拎的，客人可以根據自己嘅喜好黎選擇。刺身拼盤 (翡翠螺，虎蝦，三文魚，希靈魚，油甘魚，有頭甜蝦，珍寶蝦)今次呢間野嘅刺身種類都算好多算，除左基本應該有的款式外，呢度仲有一啲一般放題舖無嘅野，而且一上枱俾人感覺好新鮮，刺身入口之後唔會有雪味，而且有陣鮮甜嘅感覺，所以真係唔錯。當中最令我覺得驚喜嘅係翡翠螺，隻隻入口都好鮮甜，而且肉質厚實又唔會好多沙，真係比較小係放題舖食到翡翠螺，所以真係夠晒驚喜。壽司,呢度嘅壽司都好多款架，有刺身壽司又有火壽司，壽司嘅飯量又唔會太多，岩晒大家可以試晒咁多款唔同嘅壽司。另外呢度有種壽司比較特別，佢就係穴子壽司，所謂穴子壽司即係坑鰻壽司
行至銅鑼灣嘅時候朋友突然話好鬼想食啲任食嘅野喎，於是我地就揾左間最近我地嘅放題~~~極尚大瀛喜日本料理。
本來以為要等位先入得，但唔知係咪因為我地早左小小黎食野，去到唔洗等已經即刻有位，咁我地就緊係即刻係色彩繽紛嘅點單紙度叫野食喇。
餐廳同一般嘅放題舖頭唔不樣，平時一般嘅放題舖都係食客坐定定係度寫紙叫野食，呢度就唔係完全前菜、沙律、甜品和飲品都係自己出去拎的，客人可以根據自己嘅喜好黎選擇。
刺身拼盤 (翡翠螺，虎蝦，三文魚，希靈魚，油甘魚，有頭甜蝦，珍寶蝦)今次呢間野嘅刺身種類都算好多算，除左基本應該有的款式外，呢度仲有一啲一般放題舖無嘅野，而且一上枱俾人感覺好新鮮，刺身入口之後唔會有雪味，而且有陣鮮甜嘅感覺，所以真係唔錯。
當中最令我覺得驚喜嘅係翡翠螺，隻隻入口都好鮮甜，而且肉質厚實又唔會好多沙，真係比較小係放題舖食到翡翠螺，所以真係夠晒驚喜。
壽司,呢度嘅壽司都好多款架，有刺身壽司又有火壽司，壽司嘅飯量又唔會太多，岩晒大家可以試晒咁多款唔同嘅壽司。另外呢度有種壽司比較特別，佢就係穴子壽司，所謂穴子壽司即係坑鰻壽司，餐廳用左大半條坑鰻舖係壽司飯上面，淨係睇都好吸引喇，入口坑鰻嘅口感唔錯，加埋小小嘅醬汁同適中嘅壽司飯，真係令人著迷，而且好小係放題舖食得到，所以感覺真係比較特別。
之後其他野食方面，餐廳嘅串燒都有好多選擇架，我地就叫左一啲黎試下，燒菠蘿燒到唔會太乾，入口仍令人覺得濕潤，表面有小小焦面，入口仲幾甜tim 。雞軟骨，燒到夠晒熱，但又唔會太乾，入口唔會太硬，口感不錯。
辣酒煮大蜆呢個都幾值得食下，餐廳將啲蜆吐沙吐得幾乾淨，入口唔會食到有沙，原本以為個味道會好辣，點知個味道唔會太辣之餘，即使食唔慣辣味嘅人都接受得到，而且蜆真好足料，蜆肉比平時係其他放題舖食到嘅蜆真係好好多。
蒜香牛柳粒蒜香牛柳粒份量好足，牛柳粒唔會乾晒，入口都算嫩，而且蒜香味好濃。
焗原隻帆立貝帆立貝好大隻，味道好足，唔會太多醬，而且上枱果陣仲熱辣辣。
汁煮牛舌牛舌煮得好，比一般嘅放題做得好，入口好稔好軟，而且唔會太咸。
天婦羅餐廳提供嘅天婦羅炸到岩岩好，件件都熱辣辣，入口脆卜卜而粉又唔算厚，真係超正~~~
唔去到最後都唔知原來呢度做緊優惠，九點半之後入座已經減三十，另外如果訂座嘅話，仲可以免加一，真係好抵。下次叫埋一大班朋友再去食。
Post
