一間位於九龍灣德福一期外面既泰國餐廳
餐廳好幾款套款可以選擇
但想食既都冇包，最後都係決定左散叫
「泰式炒金邊粉」一塊簿簿既炒蛋包住金邊粉
但略嫌金邊粉味道淡左d, 同d蝦有小小雪藏味
不過整體都好食～不過不失☺️
1
「泰滋味拼盤」共有四款小食：炸魚餅4件、雞棗4件、蝦餅2件、春卷4件）全部都好好食～尤其係蝦餅～都好貼心地切左4件俾我地～
所以全部野食都岩岩好我地每一一件～
「馬拉盞炒通菜」一道重口味既菜
略嫌有點咸同有點辣
每食一啖都要送一啖水😣😣
「肉碎生菜包」都係一道重口味既菜
但配合埋生菜食，味道剛好～
但略嫌生菜分量不足，如果要增添，要加$20
「海南雞飯」不過不失既一碟餸
「芒果糯米飯」食完其實已經好飽，但都堅持要食埋個甜品
但有小小失望呀甜品⋯
因為個芒果唔甜偏酸😣
建議要share 食呀～一個人食就太濟啦
飲品方面：
共叫左3款飲品
「珍多冰」、「龍眼冰」、「青檸梳打」
3杯都讚～
「珍多冰」椰奶味好濃好香滑
「龍眼冰」龍眼味好重～好正
「青檸梳打」解渴一流！
總結：
一間會食過返尋味
亦都係一間值得推介同再食多次既餐廳😉
下次再黎會食埋佢個烏頭
因為見格離枱既樣子好吸引😆
