泰廚房子 (Telford Plaza 1)

Open Now

Now Closed

約咗朋友嚟午膳，趁未到繁忙時間先嚟攞位，侍應先遞上餐牌，然後我就慢慢揀，但由於有啲唔舒服，就叫侍應比杯暖水再繼續睇餐牌。因為怕人多時出餐會慢，估計朋友10分鐘後出現，於是叫定諗住朋友嚟到就剛剛出餐，做到懶係時間啱啱好咁，所以冇特別要求延遲出餐，點知餐少於10分鐘已送到，而朋友又咁啱遲到，隨即有啲唐突地問侍應可唔可以拎返個餐入廚房，侍應好客氣並禮貌地拒絕，而又轉個頭攞咗個工具蓋住啲食物令它保温，超讚侍應的靈活細心舉動。到朋友嚟時，食物仲暖暖哋，太好了。

呢間泰國野我地食過好幾次，食物質素都算唔錯，尤其係佢嘅豬手！必食推介👍🏼👍🏼V小妹次次食到舉曬手指💕地方都算闊落，坐得好舒服😭唯一缺點係.....服務員工嘅速度非常快(快到超左香港人嘅水平) 😅話說我岩岩放底隻杯，問都唔問就收左，但其實係未飲完😞手指插左落去都照拎返俾我飲🤢呢樣真係令我有D接受唔到 (p.s. 我地明明食果陣已經係下午茶時間，唔算多人) 正當我地準備起身離座，侍應又快速地埋黎塞住係隔離執枱抺枱，其實都唔差在果30秒😅等我地閃左先抺啦~希望佢地前線服務嘅人員會有改善啦 ! 唔好因為前線人員浪費左幕後廚師們嘅一番心機！1️⃣《泰式豬手定食》⭐️⭐️⭐️⭐️⭐️5/5豬手好腍，而且非常入味，佢仲有少少咸酸菜，油菜，同半隻蛋！感覺上好都幾大份，我相信我一個人應該食唔曬，所以同V小妹share2️⃣《泰式海南雞定食》⭐️⭐️⭐️⭐️4/5對比起豬手我覺得佢比較失色，雞肉唔夠滑，仲有少少鞋口。不過份量都算OK3️⃣《雞肉/牛肉串燒》⭐️⭐️⭐️⭐️4/5由於V小妹非常鐘意食串燒，所以去到邊間餐廳有串燒都盡量會叫俾佢食！呢間嘅串燒都好香口，而且個沙嗲醬都唔錯

呢幾年去旅行特別鍾意去泰國越南呢啲地方不過有時心引起，想食泰國嘢都會揀返商場附近嘅泰國餐廳去食我覺得呢間正路嘅海南雞飯，雞都正正常常滑，雖然當然同最出名嗰啲比較唔係話特別好食，不過都可以頂下癮另外我自己都幾鍾意食咁金邊粉最緊要係佢咩都有得選擇

幾個知己在週日食下午茶10/3/2024在九龍灣周圍搵下午茶食，最後落座這食店。三點多到，唔駛等位，被安排到卡位，卡位闊落。午餐同下午茶價錢差小小，午餐更啱食。點了三個炒野食泰式濕炒牛肉河，河粉大大塊，同港式不同，好多蔬菜，啱食。泰式馬拉盞炒蝦米腸，味有少許辣，略嫌太多蔥蒜，味道可以，無咩配料。泰式素菜炒金邊粉，味道十分啱食，酸酸甜甜，不太油，條條金邊粉炒得分明。飲品青檸梳打及泰式奶茶，奶茶味道同在泰國飲不同，麻麻地。

呢間餐廳我以往都係外賣多，但呢日因為唔舒服係隔離診所掛號等睇醫生，所以想坐低食，一入去坐低已經聞到陣奶臭味，酸酸叔叔咁，但由於唔想再行去搵其他餐廳，就照叫野食，叫左個泰式馬拉盞炒蝦米腸粉，泰式熱奶茶，等左十零分鐘就上枱泰式馬拉盞炒蝦米腸粉好有鑊氣，夠哂熱辣辣，而且份量好多，個人認為堂食份量比外賣更多，食物質素方面我滿意。但服務同衞生方面我就認為有進步空間，當我食到中途我見到有個肥肥地戴眼鏡的男待應執緊隔離枱，沫枱之前佢用一支水狀清潔濟吸左幾下，由於好近我，我即時用手推開碟野食，個待應望住我，目無表情繼續清潔，我冇出聲之後佢開始係我隔離掃地，見到佢把掃把喺我腳附近，我自然反應縮腳避開，佢竟然繼續掃到我腳下🙄佢粒聲唔出一下掃埋黎，我個口仲咬緊腸粉，我心諗你有冇咁急呀？🙄其他冇人坐的地方唔掃左先，係要掃我呢度先嘅🤬，真係無語！堂食要收加一服務費，仲要受氣真係以後都唔會堂食😤

今次去咗間泰國餐廳，開心到跳起！🍽🤤先講個香茅檸檬龍眼蜜，呢款飲品真係清新得嚟，有種「哧哧嘴」嘅暢快，佢嗰陣淡淡香茅味，真係足以令人一試難忘！再嚟講串燒，呀，份量啱啱好，肉嘅香味夠嚟唔腍，真係食落口裡即刻明白咩叫做外焦內嫩，正！當然啦，唔少得最經典嘅泰式炒金邊粉，啖啖鮮蝦，每一啖粉都飽滿彈牙，充滿咗鮮味同埋熱情嘅泰式香料味，流嘅我滿頭大汗都要食埋嗰盤！最後個馬拉盞炒通菜，簡直係抵死，啱啱好嘅辣度令人食指大動！整體嚟講，呢間餐廳嘅食物質素真係好正，服務亦都相當周到。雖然位子有少少迫，但係咁味美食色，都值得介紹俾朋友。下次醫肚再諗唔到食咩嘅時候，記得千祈唔好錯過呢家泰國美食嘅好去處喇！🥰🌶🥥

呢間泰國餐廳，成日都會同同事嚟食。平時食開冬陰功湯麵，但係今次就想試豬手飯。佢嘅豬手飯唔單止腍仲幾入味，唔算好肥膩，仲有蔬菜做配襯，咁就一餐有晒肉同菜。仲有甜品🍮不錯選擇

平時喺附近返工已經成日呢間餐廳嘅午市套餐 味道質素都有保證！今日星期日又心思思想食泰菜，所以又專登返嚟食～ 我哋見到二人餐$288 非常抵食，不過原來套餐一般都係5點後先供應，而我地去嘅時間係下午茶時段。餐廳經理雄哥非常好人 即刻幫我哋問一問廚房睇吓可唔可以整到俾我哋食，好快就迎來好消息～😊二人餐非常豐富！味道全部都好好👍🏻- 串燒春卷木瓜沙律拼盤- 湯品 (我嗌冬陰功，仲要係用熱鍋上😱）- 燒雞- 黃咖哩配一款肉- 雞肉菠蘿炒飯/ 素泰式金邊粉- 馬拉盞炒通菜- 椰汁糕二人餐份量足夠三至四個人食！雄哥仲問我哋使唔使俾定外賣盒我哋打包返去😂其他侍應嘅服務態度都好好👍🏻 （食前唔記得咗影🫣二人餐嘅份量係放滿成張卡位😂）味道 ⭐️⭐️⭐️⭐️價錢⭐️⭐️⭐️⭐️⭐️服務⭐️⭐️⭐️⭐️⭐️環境⭐️⭐️⭐️⭐️回頭指數⭐️⭐️⭐️⭐️⭐️

啱啱喺呢間泰式餐廳食過一頓飯，感覺得意添！🌿🍛 佢個泰式炒金邊粉，簿薄嘅炒蛋香滑得嚟，包住啫啫嘅金邊粉，雖然粉麵味道或者可以再濃啲，但啲蝦雖然微微有少少冷凍味，整體嚟講都唔錯！炒得啱啱好，完全唔膩口。泰滋味拼盤就真係十足嘅驚喜！🤤 每樣小食都做得夠味又唔油膩，特別係果啲蝦餅，真係香脆可口，食落令人一啖接一啖。馬拉盞炒通菜同肉碎生菜包就勁辣勁鹹味十足，食多兩啖都要攞埋杯水解解渴，生菜包嗰部分希望佢哋下次可以大方啲！至於海南雞飯，味道算係中規中矩，冇乜特別驚艷嘅地方。甜品嘅芒果糯米飯就有少少失落，個芒果唔夠甜，食落有啲酸口。不過，講到飲品，珍多冰豐富嘅椰奶味同龍眼冰嘅香甜，實在係消暑好選擇，而青檸梳打就清爽得嚟解渴！🍹總括嚟講，今次食物體驗唔錯，有啲菜式真係惹味，有啲就仲有改善空間。個人真係期待下次再嚟試吓其他款式！😋🍴

是日到訪了位於九龍灣嘅一間泰式餐廳，決定來個泰國菜之夜晚餐～～孖住泰2人餐 $198黃咖哩豬扒 + 海南雞(例牌) + 泰式菠蘿雞粒炒飯 加配小食手包春卷拼魚餅(各2件) +$36整體食物質素中規中矩，用膳座位安排了卡位，寛敞舒適

個人喜愛海南雞飯嘅，不過呢間嘅黃飯就淨係得顏色，無乜香味。雞方面還好，雞味爭少少。冬瓜湯就似水多啲，無乜味。價錢方面就一般。所以以午餐嚟講都算啦。等位時間都比較長，如果比較趕時間就未必合適。

午市服務一片混亂，在門外攞飛等入座，侍應不按次序隨意叫後來者入座，同樣等候2人座位，餐廳招呼A004先入座而跳過A003。之後有食客離座，入面侍應連攞飛排隊的次序都唔睇就直衝到門口想隨便叫企近門口的人入座。食物質素只屬一般，泰式鮮蝦炒金邊粉，竟然無鮮蝦，跟餐牌所顯示的有極大距離。

特登接近下午茶時間去，因為唔多人。點知一入去就要我搭枱，眼見大把位，但問咗三個職員都堅持要搭枱，食個晏都要受氣，唔怪之得大家越來越唔鍾意喺香港消費。不知所謂即刻走人😡！

呢日同阿仔學完游水，一於去附近搵食，之前未試過呢間泰菜，呢日唔使排隊，就試吓佢。入到去裝修都好有泰國風情，有藤籃燈罩，牆身都有泰國特色畫。邊度有卡座，有普通座位，卡座係湖水藍色梳化椅，坐得好舒服。烤泰式雞髀煎蛋飯雞扒烤得好香又入味，肉質香滑又夠厚，煎蛋煎得香脆，兩者配埋個汁食，惹味又好味。海南雞飯定食黃油飯粒粒分明，飯質煙靭，但略嫌唔夠香。雞肉嫩滑，啖啖肉，點埋嗰醬食好好味。冬瓜湯清清地，仲有個芒果布甸送！手包春卷拼魚餅春卷熱辣辣送嚟，外層香脆，裏面有粉絲，雲耳，都好入味。魚餅好香，不過都幾辣，愛辣人士必食。

除咗海南雞飯之外，金邊粉都係我另一至愛好可惜，好難遇到炒得好好食嘅金邊粉我食過一次，蝦夠大酸酸甜甜夠入味雖然高質但係其實只係喺某商場嘅food court，可惜而家冇得食了。見到呢間泰國餐廳忍唔住試佢個炒金邊粉上菜嘅時候賣相幾好，加左分😀😀仲有條條香茅做伴碟😆😆😆飲品我冇要到泰式飲品，都係要返我最鍾意飲嘅凍檸茶整返嚟講都算吵得幾好味，算正常發揮😀金邊粉乾濕適中，加埋啲青檸汁酸酸甜甜咁👍