The Basic (Closed)

今日黎左買元朗有名的漢堡包店The Basic，行到去大坑渠見到大批人聚集就搵啱路啦。小店有漢堡有意粉同小食等，選擇幾多。全人手制作，等候時間頗長的，可以落完單周圍逛逛。順帶一提，最近有口罩套派，編文登到嘅時候唔知派晒未呀～呢度等左三十分鐘左右，算快了。兩個淨包 ＋ 一個包餐行到返屋企仲熱，正。呢個係經典芝士漢堡，塊漢堡扒好嫩啊，肉汁滿滿，好食！餐飲要左可樂，漢堡包就係要配可樂先王道。仲有松露滑蛋牛角包，比我壓扁左，但無損味道～牛角包軟綿綿滿牛油香，松露蛋又嫩又滑，香味十足。第三個包係香脆大雞堡，超厚雞扒！一口咬唔晒，香脆可口。跟餐可揀薯條，薯角或煙肉洋蔥餅，揀左第三样，洋蔥餅好香啊，雖然隔耐左有倒汗水，淋左都仲係好好味。抵食又好味，唔怪得晏啲黎都賣晒。