餃掂手工餃子雲吞專門店

手工餃呢一間嚟講叫做高質素 。又唔係叫做平，但係叫做水準keep住唔錯。試過幾間分店都唔會話因為唔同分店然後有唔同嘅質素。喺舖頭側邊你會見到有即時包餃子。等位嘅時候望住都唔會覺得太悶。呢間店內嘅座位比較少，等位時間預留返會比較長時間。講返食物質素，個人推薦韭菜煎餃同埋芫荽煎餃。餃子超級足料，暫時推薦俾朋友食都冇人話唔好食。如果唔鍾意食重口味，個人建議可以食豬肉粟米，如果鍾意食芝士仲可以揀埋芝士口味 。