JK Brother’s (Closed)

之前食過JK Brother，覺得呢間嘢唔錯， 於是星期六介紹屋企人去食。今次我地揀咗68蚊任食肥牛嘅午市套餐，68蚊加一可以任食肥牛、火鍋配料、炸物、熟食、甜品、嘢飲品等，我相信出面冇邊幾間可以做到呢一個價。我揀咗壽喜燒湯底， 佢比出面嘅壽喜燒湯底較為甜， 用佢嚟配牛肉係冇得彈。68蚊嘅肥牛肥膏會比較多，如果想食好啲瘦啲可以加少少錢食128蚊個套餐。除咗肥牛之外，佢仲有啲韓國餃子，台灣丸類同埋花膠都好吸引， 因為花膠比較硬身，所以要一早就落咗，煮到最後先食就最正啦。炸物嗰度都夠熱同夠脆。 熟食通常會俾四款度， 今次有一款係牛肉嚟，好好食炆得好林， 佢仲有啲泡芙豆腐花雪糕雪米糍各式各樣嘅飲品。