Video
Read full review
2016-08-20
402 views
午市放題從來都係抵食得多，食物選擇同晚市一樣，但係價錢就平一大截，任食時間仲會長啲，食得舒服好多！ 星期日午市黎到，舖頭入面已經人頭湧湧，好彩book左位！店員服務好周到，我地坐低之後就介紹返飲品櫃係入口處。本來想飲好多人推介既椰青水，不過個日見唔到…就揀左蘆薈汁！ 平時既我食放題會直接skip左壽司個頁紙，因為食量唔大，俾舊壽司飯牙左啲quota好唔抵架嘛，不過見到好多人推介呢度既壽司，同埋最重要係飯量唔多，所以今次破例一試！果然冇令我失望呀，壽司細細件好精緻，但做得一啲都唔馬虎，唔會甩皮甩骨。帶子新鮮肥美；黑松露三文魚既黑松露醬絕對係點晴之作，食完滿口都係濃郁既黑松露味，聽到隔離枱都對佢讚不絕口；花之戀細細件岩晒眼闊肚窄既我；火炙系列都好吸引，被輕輕燒過既刺身變成入口即溶既狀態，魚油既香味特別突出，左口魚同葱燒三文魚都係必叫item刺身亦冇失準，樣樣都好新鮮，個人最鐘意劍魚腩，貝柱同甜蝦！我發覺大部份既放題都已經會提供有頭甜蝦，仲要大大隻，再唔係以前個啲每次夾5條一次過放入口既細細條甜蝦喇，食到我地愈黎愈嘴刁熱食方面，因為我地主攻壽司刺身，所以食得唔多。黃金蝦炸得非常香口，可以
星期日午市黎到，舖頭入面已經人頭湧湧，好彩book左位！店員服務好周到，我地坐低之後就介紹返飲品櫃係入口處。本來想飲好多人推介既椰青水，不過個日見唔到…就揀左蘆薈汁！
平時既我食放題會直接skip左壽司個頁紙，因為食量唔大，俾舊壽司飯牙左啲quota好唔抵架嘛，不過見到好多人推介呢度既壽司，同埋最重要係飯量唔多，所以今次破例一試！果然冇令我失望呀，壽司細細件好精緻，但做得一啲都唔馬虎，唔會甩皮甩骨。帶子新鮮肥美；黑松露三文魚既黑松露醬絕對係點晴之作，食完滿口都係濃郁既黑松露味，聽到隔離枱都對佢讚不絕口；花之戀細細件岩晒眼闊肚窄既我；火炙系列都好吸引，被輕輕燒過既刺身變成入口即溶既狀態，魚油既香味特別突出，左口魚同葱燒三文魚都係必叫item
刺身亦冇失準，樣樣都好新鮮，個人最鐘意劍魚腩，貝柱同甜蝦！我發覺大部份既放題都已經會提供有頭甜蝦，仲要大大隻，再唔係以前個啲每次夾5條一次過放入口既細細條甜蝦喇，食到我地愈黎愈嘴刁
熱食方面，因為我地主攻壽司刺身，所以食得唔多。黃金蝦炸得非常香口，可以連殼食，成隻都俾鹹蛋黃包住，十分甘香！蜜糖雞翼甜就夠甜，不過唔知係咪攤凍左，少左份烤焗既香口感覺。炸蠔都夠大隻，如果呢度有埋芝士焗蠔就正喇…不過…呢度有炸芝士作為補償，好濃郁既芝士味，正呀！蕃薯仔每次食放題都要食返兩粒先滿足，香甜軟糯永遠唔會令人失望
最後甜品時間，心太軟的確做到軟心效果，不過都幾甜下…如果可以用黑朱古力會好好多。焦糖燉蛋同芝麻奶凍都要俾個讚，又香又滑！最後食多個百福豆腐花完美作結！滿足！
Post
