alfafa Cafe (Closed)

行行中上環之餘一心想黎食未來漢堡，點知岩岩賣晒🥲睇黎好受歡迎，下次要早d先得！不過我地照叫左個2人set，包沙律/湯、主食2款、飲品同甜品，勁抵食！沙律係羽衣甘藍同蘋果，酸甜開胃，同其他餐廳普通個d唔同，feel到佢有用心制作。雜菜湯正常水準，一樣一份試下都唔錯見到公司三文治二話不說即刻叫左，好耐冇食過！雖然佢未去到超級好食，但都係記憶中嘅味道，料夠多，唔會太乾🤤薯條新鮮即炸，好食對面位人兄明顯怕三文治唔飽而叫左豬扒飯🤣豬扒夠淋而且食落有豬香味，有驚喜！只嫌d飯太軟身，但整體幾好最後個甜品好好食！🤤🤤🤤brownie夠香濃之外有少少果仁，好香口，仲係熱上，配雪糕一流！