alfafa Cafe (Closed)

這店在這區算係中價午餐，公司三文治配薯條係我嘅至愛。鍾意三文治同薯條都係即叫即整，午餐都有送餐服務，上枱嘅食物都是它該有的温度。可惜佢哋搬去環球大厦啦～今日差點就miss左最後一次機會，之後我嘅lunch又少左一個好選擇。希望你哋新舖生意興隆。

同友人想找舒服地方坐下傾計，決定去呢間每人也叫左All day breakfast $102炒蛋好滑，煙三文魚好香，牛角包好軟熟，蕃茄好鲜甜，雞肉腸有2條，沙律菜新鮮，整體份量也足以令人飽

特快自選套餐就好像兩餸飯咁A款食物選一項當天有蛋餅,茄子和雜菜我選的黃薑汁雜菜,汁較杰但味道可以B款食物主要是肉類可選一項當天有兩款雞,鴨胸,魚我選的魚小小一片,好普通的食材,但個汁調味唔錯可配白飯,意粉,薯蓉薯蓉好滑套餐跟熱飲,杯奶茶幾好整體問題是不夠熱,普通一餐外賣午餐還可以,但性比價不高

自助形式嘅餐廳，首先自己搵位，然後可以選擇用QR code 落單/去櫃檯落單，食物嘅選擇種類都算多，有三文治、意粉、肉類、沙律，沒有限坐時間。今次試咗千層肉醬闊麵，等候嘅時間比較長，職員送餐上來嘅時候已經聞到好香，薯蓉吱到呈波浪形，千層麵嘅表面芝士份量好足，焗至香脆，千層麵夾心肉醬份量好足👍🏻，食到少許蕃茄味。

我同朋友叫咗個二人餐,十分抵食!all day breakfast的牛角飽好好味，整份all day breakfast 有9樣嘢!好大份,好豐富!還有魚柳！魚柳不是cheap嘢!另外一份係黑醋鱈魚炒意粉,熱騰騰! 非常好味!二人餐有湯同麵包再加甜品!非常超值，抵食!其實吾俾跟湯麵包都ok,食唔晒!下次帶走!甜品有驚喜!有brownie同雪糕!brownie暖暖哋,還有nuts!又有coupon送!一定會再來！我見到佢啲外賣都好抵食,下次買返公司食!

今日第一次幫襯，叫左2餸飯餐，揀左豆腐同雞脾，要飯，嚟到後真係大開眼界，豆腐得一舊，仲要好細舊，雞脾又細隻，完全中左伏，咁都要56元，我問個職員可唔可以加錢叫多個餸，佢話冇架喎，然後我同佢反映返呢個所謂2餸飯完全好唔掂喎，啲餸咁少，邊夠食呀，得一舊咁細既豆腐，職員就答我：下？已經2個餸啦喎！之後我答佢哦！多謝晒，呢度應該係話2款餸，並唔係叫2餸飯，加10元叫朱古力，冇朱古力味，以後唔會再幫襯！超級中伏，真心極度難食！大家千萬唔好幫襯呢間垃圾cafe

中上環區午餐時間找一間價錢不貴而食物又佳的餐廳實在不易。今日去了華懋廣場的Alfafa餐廳,雖然是自助買票式的，但食物質素絕不比大餐廳遜色。我們叫了一個二人套餐，包括主菜、餐湯、麵包、飲品及甜品，非常豐富。［全日早餐］🎉擺盤精緻，麵包烘得脆脆，加以炒得半熟的滑蛋，炸得香脆的魚柳，清新的沙律，色香味俱全，值得一讚👍🏻甜品brownie 配雪糕，錦上添花全個二人餐原價$199，上次食完送coupon, 今次減了$50， 折實$149，抵食美味👍🏻👍🏻

餐廳採用自助形式，先自己搵位，可以用QR code或者去櫃檯落單，午餐時段有特別套餐，可以選小食和主食各一個（堂食$88，外賣$69），另外包一杯熱飲，期間限定送羅宋湯一碗。小食揀左煙肉蛋餅，呈長方體，鹹香味滲入蛋餅內，口感豐富。主食揀左烤冇添加激素雞腿（配野菌醬），揀左配意粉（亦可以選飯或者薯蓉），雞腿肉好嫩滑，而且冇激素，食得放心，野菌醬顏色似忌廉汁，食落去creamy，有少許野菌香，配合雞腿肉同意粉食好夾，意粉軟硬度適中，份量亦好多，男仔都食得飽。野飲叫咗熱檸茶，除咗幾片檸檬外，仲有成個茶包，茶味較濃，都係誠意之算。

中上環返工，一到放飯時間，周圍都人山人海，有時唔想響外面同人迫同排隊，叫外賣帶返公司食都係一個好選擇。返工有時想食light d，alfafa嘅公司三文治係我經常會買嘅外賣之一。三文治入面嘅材料新鮮，係即叫即整，攞到返公司仲暖暖地，食晏時間由公司準備出發就響外賣app叫定外賣，去到就有得攞非常方便。呢個set lunch份量好充足，食哂成個餐都好飽，仲有餐飲，都係around $60，抵食。每次去staff都好好禮貌，抵讚。

之前去過樂富店，環境幾舒適。雖然中環店環境不及樂富店，但食物也不錯。點了pick and choose，可自選面包和3款配搭。選了牛角包，皮脆內鬆軟。直布羅陀雞肉腸、火腿扒和烤雞扒也很香，味道不錯。法式朱古力賣相很美，不太甜。感覺這餐廳有些像Delifrance。

前陣子接女友放工後，在附近搵好野食，在網上搜尋一陣，最後選擇了女友最愛的西餐👍🏻-這間餐廳的環境都幾大，頭尾都是座位，提供多款主食、漢堡包、三文治、沙律、多士、飲品及甜品🤤我們點了店員推介的2人套餐，包括兩份主食、餐湯、餐飲及甜品，價錢只是$199，在上環的商業區來說都算便宜，值得推介👍🏻-2人套餐 $1991. 焗肉醬千層麵配薯蓉這個波浪紋的薯蓉焗得非常吸睛，而且內裏的水份充足，食落不會很乾，與千層麵的口感很搭，配埋肉醬及融化了的芝士來吃，簡直是一道邪惡的美食🤤-2. 大西洋鱈魚柳及有機鮮蘑菇照燒炒意粉鱈魚柳煎得皮脆肉嫩，魚味香濃😋店家將蘑菇、照燒汁和意粉一併炒過，意粉吸收了鮮甜的菇香味，和魚柳的味道都幾夾，整體很不錯😋-3. 番茄雜菜湯這個湯有很多茄蓉和蔬菜，很真材實料，味道甜甜酸酸，很開胃😋-4. 沙律（跟餐加$13)沙律用了羽衣甘藍，蘋果片及芝士片作配搭，爽脆口感，清新又健康👍🏻-5. 凍法式朱古力和凍綠茶牛奶2杯飲品各自的味道都濃而不甜，餐後飲番杯零舍正👍🏻-6. 朱古力蛋糕配雲呢拿雪糕朱古力蛋糕是熱的，配冰凍的雪糕來食，冰火的口感非常刺激😆-7. 馬卡龍(朱古力味）(跟餐加

約了朋友周日去中環海濱公園chill一chill，去之前諗住醫飽個肚，經過華懋廣場二期望到呢間西式餐廳，食物賣相幾吸引☺️價錢又唔貴，就試試啦！——————————🔸烤無添加激素雞腿配野菌醬+拿坡里汁燴肉丸及直布羅陀雞肉腸 配薯蓉我地叫左個二人餐，一來到真係比個份量嚇倒，菜式滿滿一碟完全唔姑寒！雞腿食落好香亦唔會醃得過咸，配上咸香的野菌醬，非常夾！燴肉丸和雞肉腸頗有IKEA餐廳的感覺，薯蓉壓得很滑，配上酸酸的汁，十分開胃😋🔹越式煎香茅豬扒+日式照燒大西洋鱈魚柳配有機鮮磨菇香茅豬扒好厚身，所以食起來不太夠味，而表面煎得很香，很有香茅味，真是平時越式餐廳的味道☺️而鱈魚柳都大大塊，肉質不會太淋，食起來鮮中帶口感～～ 因為呢兩個餸比較乾，所以建議大家問侍應拎啲汁啊！醬汁會是野菌醬，同樣超濃郁菇味，好夾😋😋🔸綠茶牛奶+莫加牛奶咖啡+心太軟配雪糕今餐最驚喜就是這裏的特飲和甜品❤️甜品是心太軟配雪糕，真是有流心的效果，朱古力味好濃郁，不會太甜，正！而兩杯飲品好濃好足料，未飲已聞到陣陣的咖啡和抹茶香‼️ 上面的奶泡打到滿滿的，飲落很順滑，滿足感爆燈！

星期六下午嘅中環同平日好唔同，人流少咗好多，靜好多，悠悠閑閑食個週末午餐～Alfafa Cafe係半自助形式，先點餐丶俾錢，將個buzzer放喺枱面上嘅指定位置，店員就會送餐，特別要讚呢度嘅店員都好友善👍🏻二人餐 $199有湯丶自選2款主菜丶甜品丶飲品，呢個組合都幾抵！alfafa 超級沙律 加配 $13睇落細細碗，但內容好有益，有羽衣甘藍、蘋果片丶車厘茄、杏仁片丶藜麥大西洋鱈魚柳及有機鮮蘑菇照燒炒意粉 (原價 $92)鱈魚柳肉質細嫩，而照燒汁炒意粉較重味，呢個配搭幾好！未來漢堡配薯條 (原價 $128)好鍾意個包有脆邊！仲有牛油果，味道更多層次。之前已經試過Beyond Beef，肉質係做到好似，只係肉味爭少少，凍咗就會豆味偏重，所以一定要趁熱食！Iced Mocha + $9Iced Cappuccino + $9朱古力蛋糕配雪糕點餐時店員會主動提出甜品後上，食完主菜後，通知佢哋就ok~ 熱Brownie配雲尼拿雪糕，件Brownie朱古力味濃，又有合桃碎，好味！蜜桃撻 加配 $16放假嘅胃口特別好，仲俾件蜜桃撻吸引到，食埋就更滿足！

位於 中環-華懋廣場第二期 的 "Alfafa Cafe" 因為抵食, 所以才介紹 ~Alfafa 超級沙律配煙三文魚配欖油多士 $78 : 沙律有多種蔬菜 , 包括有 牛油果、羽衣甘藍、西蘭花、蘋果、車厘茄、奇亞籽、三色藜麥 , 並配以檸檬奇亞籽汁 ; 加上肥美的煙三文魚 , 實在是充滿田園風的salad , 凊新健康 , 味道也不錯 ~餐湯 : 南瓜甘荀湯 , 味道濃郁清香 , 溫度適中 , 好飲 ~焗肉醬千層麵配薯蓉 $88 : 賣相OK, 肉醬的味道算是濃香 , 整體味道也是中規中矩 , 薯蓉都夠薯味 ~本篇完 ~

陪朋友試完婚紗，佢話要搵個地方食餐勁嘅，因為佢由尋晚開始冇食嘢🙈中上環食嘢不嬲都好貴，好彩俾我哋搵到呢間$199有二人套餐嘅Cafe。可以揀嘅嘢食都唔少羽衣甘藍沙律好多醬，完全cover到菜嘅澀味👍🏻Main course 我哋揀咗公司三文治同素食千層麵，公司三文治正正常常，千層麵側邊啲薯蓉超級好味😋由於我哋搞到四點幾先食第一餐，食完二人餐之後都好似唔係好夠飽，於是我哋嗌多個茶餐🙈茶餐意粉嘅份量都唔細，食埋就真係飽到晚餐都唔使食。呢個係套餐跟餐嘅甜品，Brownie配雲呢拿雪糕。舊Brownie好重朱古力味，而且仲暖暖哋添！臨走先見到個蛋糕櫃，蜜桃撻個樣睇落唔錯，買咗兩隻返屋企做宵夜😆