對比ruby tuesday好似平D?
但果陣學生覺得有D貴
所以試一次就算了
最近忽然想食豬肋骨.
下午經過發現而家有Tea set
只係$66就有半份豬肋骨
當然即刻入去食.
（下午茶至4:30 , 比較早 ）
入到去個場都大 呢段時間小人
安排左去卡位
都坐得舒服.
個窗口有D佈置都幾靚
敗筆係個景唔靚
野食方面
豬肋骨（半份）有6-7節骨 平時一份都$2xx
而家只係$66 叫3份連飲品
都係$200有找
所以真係好低👍🏻推薦
雞肉三文治入面唔算多料 . 點汁會無咁乾
兩款set都有沙律同薯條
沙律酸酸地.令主菜無咁濟但我唔太鐘意呢款
（如果有沙拉醬火箭菜果種好食D)
薯條就粗薯條果種普普通通啦.係飽肚D.
員工方面.後生既就有漏單情況
同埋感覺似係hea/玩住返工咁
之後有個老小小既服務態度就幾好
可能多經驗.認真工作
最後食唔哂薯條.無啦啦有隻蚊滋仔飛過黎
好彩唔係開頭黎姐
整體都滿意.
下次會試埋甜品.
