Video
Read full review
2019-03-20
195 views
細細個時成日黎呢頭，好耐以前同朋友黎食過一衣，但同屋企人就未試過，母親大人唔想煮飯，就黎食套餐。環境小店一間，座位不多，大約十張枱以內，入到去有一種好居家既住家菜feel。餐牌有得散叫，亦有二人/三人/四人套餐，我地一行三人，諗到唔洗諗就拍板食三人套餐。三人套餐 $278/$308 揀左$308，湯一款配小菜三款，另外每人有一碗飯同一盅八寶茶。湯類五選一，揀左酸辣湯，而小菜有三十三款選擇咁多，揀左花雕醉雞、時菜獅子頭、糖醋排骨。酸辣湯份量都幾多，三人每人都分到2-3碗，非常足料，醋味好濃，酸度十足，後勁就帶少少辣味，好開胃亦暖胃，加上湯料十足，如蘿蔔絲、木耳絲、豬肉絲等等，都幾飽肚。花雕醉雞是為冷盤，約有半隻雞份量，花雕酒味夠濃烈，肉質頗嫩，滲到酒香，做頭盤小菜一流。時菜獅子頭有兩大顆，旁邊有冬茹，下面仲有津白做伴菜，肉質十分鬆化，醬汁以醬油做主調，咸咸甜甜咁，豬肉又索汁，帶點肥肉，口感鬆化又有肉香，佐飯一流，不過呢個係三人套餐，如果有三顆就更好。糖醋排骨唔係我地既有印象茶餐廳果種糖醋排骨，顏色係醬油色而唔係橙紅食，排骨亦非炸過，食落個汁有啲似獅子頭，排骨全部已經去骨只得返肉，幾貼心，
環境
小店一間，座位不多，大約十張枱以內，入到去有一種好居家既住家菜feel。
餐牌
有得散叫，亦有二人/三人/四人套餐，我地一行三人，諗到唔洗諗就拍板食三人套餐。
三人套餐 $278/$308
揀左$308，湯一款配小菜三款，另外每人有一碗飯同一盅八寶茶。湯類五選一，揀左酸辣湯，而小菜有三十三款選擇咁多，揀左花雕醉雞、時菜獅子頭、糖醋排骨。
酸辣湯
份量都幾多，三人每人都分到2-3碗，非常足料，醋味好濃，酸度十足，後勁就帶少少辣味，好開胃亦暖胃，加上湯料十足，如蘿蔔絲、木耳絲、豬肉絲等等，都幾飽肚。
花雕醉雞
花雕醉雞
9 views
0 likes
0 comments
是為冷盤，約有半隻雞份量，花雕酒味夠濃烈，肉質頗嫩，滲到酒香，做頭盤小菜一流。
時菜獅子頭
時菜獅子頭
30 views
0 likes
0 comments
時菜獅子頭
20 views
0 likes
0 comments
有兩大顆，旁邊有冬茹，下面仲有津白做伴菜，肉質十分鬆化，醬汁以醬油做主調，咸咸甜甜咁，豬肉又索汁，帶點肥肉，口感鬆化又有肉香，佐飯一流，不過呢個係三人套餐，如果有三顆就更好。
糖醋排骨
唔係我地既有印象茶餐廳果種糖醋排骨，顏色係醬油色而唔係橙紅食，排骨亦非炸過，食落個汁有啲似獅子頭，排骨全部已經去骨只得返肉，幾貼心，唔算重口味，質素正常。
八寶茶
八寶茶
22 views
0 likes
0 comments
食完之後會送上八寶茶，十分足料，有菊花、杞子、紅棗等等，第一口好清，花香味清澈，愈飲到底愈清甜，未知底部係咪有加蜜糖，亦可以無限加熱水，第二次加水後整碗比第一轉八寶茶清甜好多，愈飲愈清甜。
總括而言，以上海菜餐廳黎講，價錢唔貴，$308有成3款小菜，又有湯羹又包飯同八寶茶，最重要係冇加一，又有住家菜feel，抵食上海菜館。
Post
