🇰🇷自助夜燒 ($298)
1
🌟加$88可以任食海鮮、刺身同埋啤酒🍻🍻
🌟4位入座即送巨型原條蒲燒鰻魚‼️
💗刺身
刺身款式都有成8款，包括三文魚、赤貝、北寄貝、赤蝦、立魚、魷魚、希靈魚同帶子，食落夠新鮮夠凍，唔錯！🐟
💗肉類
肉類真心超多款式選擇，有成20多款，主要提供美國同澳洲產地嘅肉類，個人認為澳洲草飼黑安格斯牛頸脊、美國安格斯肩胛翼、澳洲穀飼黑安格斯內裙肉、薄切牛脷、薄切五花腩同豬頸肉比較出色🥓
💗慶州韓牛西冷 (+$288）
原塊韓牛西冷扒帶適當油花，肉質軟腍而且肉味特別香濃🥩
💗海鮮
總共有14款燒海鮮，特別回本之選有海虎蝦、青口、翡翠螺同扇貝，值得encore🦐
💗韓式小食
韓式小食亦有多款選擇，例如韓式炸雞、柚子單骨雞翼、炸雞軟骨、雞蛋捲、魚糕串等🍤想飽肚d嘅話可以點泡菜煎餅、水冷麵、紫菜包飯、韓式蘿蔔湯、泡菜豬肉湯等🍲
💗自助吧
有多款韓式泡菜，包括新鮮泡菜、韓式辣蘿蔔乾、醬油蓮藕、韓式醬油鵪鶉蛋、涼拌海苔、韓式小白菜、韓式青瓜，韓式大豆芽菜等。另外有生菜包、多款菇類、三色椒、粟米、翠玉瓜、洋蔥圈、南瓜，菠蘿作燒烤用
💗甜品
餐廳提供雪糕機可以自己唧軟雪糕，仲可以自己加配料🍦雪櫃入面就有芝士餅、泡芙，同迷你卷蛋🍰最特別係有爆谷機🍿
