滬庭坊 (Closed)

其實好鍾意食上海野，鍾意夠濃味，小籠包、粗炒、擔擔麵、菜飯、豆漿，全部都係至愛，諗起都想食😋因為屋企住附近嘅關係，經常經過滬庭坊都好想試，前排見出左啲抗疫優惠餐，就外賣自取一戰。上海回鍋肉飯($56)/仲送豆漿或者罐裝汽水👍開頭預係整好哂，一落單潷落盒就得。點知！見厨房師傅即整喎！驚喜！拎到返屋企仲熱辣辣，白飯同餸分裝，外賣質感質素都好好，硬淨就可以加熱，裝袋乾淨無漏汁。餸個盒好大😂 份量方面可以再多啲更好。味道就好對味啦！ 辣豆瓣醬好惹味又好有鑊氣，豬腩肉正宗薄切好入味，配料仲有豆乾椰菜辣椒，成個菜好下飯，好味，正🤤