Nomads (Closed)

朋友請食飯，問我去過nomads未，我當時答佢未。於是就去試一試。當去到門口時，我記得好耐之前曾經去過一次。格局沒有太改變，亦同巴西燒烤的差不多，只係較多人講英文，懶高檔咁。老實講，可供選擇既自助食物唔多，大部份都係好普通。唔係話佢一毛不值，只不過是冇咩驚喜。最大特色亦只不過係那些食物可以自己配搭。自己揀料、自己混醬、自己攪一大輪直至滿意之後，就交由廚師去處理。醬汁既選擇的確唔少，很多都幾特別，但就此以而。材料方面認真普通過普通，粉麵飯pizza，豬牛羊菜，係咁多。這些材料自己弄來弄去，扼鬼佬或者哄吓小朋友還可，但若是想食好野或是有特色既食物，似乎未夠水準。