Video
Read full review
2025-05-23
116 views
之前去過佐敦店度食完之後回味無窮，所以今次佢哋元朗又開咗間新嘅分店，所以一於同朋友一齊去試多次。好得意嘅就係佢佐敦嘅分店佢係要上樓嘅而佢元朗嘅呢一間舖頭呢就係落地庫嘅，但係裝修都幾靚嘅舒服，日本嘅裝修風格帶啲現代化嘅模樣。鮪4味係老板介紹嘅，佢話係因為元朗新店先會有呢一味餸，但係唔知係咪期望過高，所以覺得冇驚喜。蟹籽沙律，清甜爽口加埋啲cream同蟹籽啖啖口感好豐富，而且食到最底嘅時候個碗入面都冇水好乾身，果然有料，夏天小食嘅必定之選！厚切三文魚腩刺身，同帶子刺身，每一啖都係肉好大嘅滿足感，而且食落都好新鮮好有三文魚嘅魚味同埋帶子嘅鮮甜味。魷魚鬚咬落口脆響，而且咬落啲魷魚肉入邊都好嫩好煙靭，食落口都唔覺得好油膩。串燒五品盛盒，嘢食都幾多，有香菇，雞軟骨，肥牛卷金針菇，雞翼同小青椒，每一樣都燒到啱啱好，而且咬落係有啲食物嘅原汁流出，啲肉又唔嚡又好嫩。海膽海鮮炒黃金飯，呢個飯不得了，每一粒米都炒到啱啱好，唔干身同埋唔太濕，米粒裏住啲海膽嘅鮮甜，蟹肉彈牙蝦仁脆嫩，鑊氣十足，每一啖都係奢侈嘅感覺。七味燒雞扒，一拎到上台即刻聞到七味粉嘅嗰種香味，鍾意食日本嘢嘅都知道七味粉係炸物嘅靈魂，雞皮脆而不
鮪4味係老板介紹嘅，佢話係因為元朗新店先會有呢一味餸，但係唔知係咪期望過高，所以覺得冇驚喜。
蟹籽沙律，清甜爽口加埋啲cream同蟹籽啖啖口感好豐富，而且食到最底嘅時候個碗入面都冇水好乾身，果然有料，夏天小食嘅必定之選！
厚切三文魚腩刺身，同帶子刺身，每一啖都係肉好大嘅滿足感，而且食落都好新鮮好有三文魚嘅魚味同埋帶子嘅鮮甜味。
魷魚鬚咬落口脆響，而且咬落啲魷魚肉入邊都好嫩好煙靭，食落口都唔覺得好油膩。
串燒五品盛盒，嘢食都幾多，有香菇，雞軟骨，肥牛卷金針菇，雞翼同小青椒，每一樣都燒到啱啱好，而且咬落係有啲食物嘅原汁流出，啲肉又唔嚡又好嫩。
海膽海鮮炒黃金飯，呢個飯不得了，每一粒米都炒到啱啱好，唔干身同埋唔太濕，米粒裏住啲海膽嘅鮮甜，蟹肉彈牙蝦仁脆嫩，鑊氣十足，每一啖都係奢侈嘅感覺。
七味燒雞扒，一拎到上台即刻聞到七味粉嘅嗰種香味，鍾意食日本嘢嘅都知道七味粉係炸物嘅靈魂，雞皮脆而不膩，咬落都脆脆聲，而且雞扒唔嚡身，好嫩滑又多汁。
蟹味噌甲羅燒配鱈魚乾，呢個真係好食到不得了，蟹膏同埋海膽撈勻埋一齊燒出嚟嘅香味，直頭冇得彈，再沾啲喺鱈魚乾上面食，直頭係天花板，味道濃郁，加埋啲鱈魚乾嘅香味，相輔相成一絕。
柚子生忌廉吉士巴菲，感覺清爽唔太甜，而且口感不一，底部仲有一層嘅脆脆片，撈埋啲吉士度，口感都好豐富。
果然冇令我失望，扺食，依然仲有下次！
蟹籽沙律
0 views
0 likes
0 comments
海膽海鮮炒黃金飯
11 views
0 likes
0 comments
魷魚鬚唐
7 views
0 likes
0 comments
三文魚腩刺身，帶子刺身
7 views
0 likes
0 comments
鮪4味
1 views
0 likes
0 comments
七味燒雞扒
0 views
0 likes
0 comments
串燒五品盛盒
7 views
0 likes
0 comments
蟹味噌甲羅燒配鱈魚乾
0 views
0 likes
0 comments
柚子生忌廉吉士巴菲
0 views
0 likes
0 comments
Post
