Video
Telephone
34623545
Opening Hours
Today
11:30 - 15:30
17:30 - 22:30
Mon - Sun
11:30 - 15:30
17:30 - 22:30
Above information is for reference only. Please check details with the restaurant.
Offers
是日百年一遇既成日黑雨日,不過朋友係要見架,所以我地朋友當然照出去吃晚餐啦。是日約好去元朗七福神和食亭吃,座位夠晒濶真係坐得可以舒舒服服。一落樓梯已經見到有幾個糖果櫃俾食客取來吃。我們叫左一個2人餐入面有鮮海蝦味噌湯，煙鴨胸凱撒沙律，大蝦天婦羅，瀨戶鰻魚炒飯，清酒煮海蜆，刺身四品盛，網燒安格斯牛扒，海膽蟹肉茶碗蒸，生忌廉吉士銅鑼燒。再散叫左蟹籽沙律，炸雞軟骨唐揚，串燒5品盛食，軟殼蟹手卷，鹽燒三文魚頭再加埋飲品麒麟生啤酒，信州蘋果梳打。鮮海蝦味噌湯：日本菜必點,保持水準加上蝦夠鮮味,正呀。煙鴨胸凱撒沙律：大大塊鴨胸,沙律同樣都大大碟。大蝦天婦羅：大蝦天婦羅即炸夠香脆又唔會油膩。瀨戶鰻魚炒飯：飯炒得粒粒包著醬汁,而鰻魚香口。清酒煮海蜆：用清酒經過烹調下酒滲入鮮甜嫩口蜆肉之內。刺身四品盛：三文魚刺身真係夠晒厚切,口感十足之外豐富的油脂香氣更加好味道。甘蝦蝦肉非常新鮮入口鮮甜。網燒安格斯牛扒：外面香口而入面唔會過火保持著嫩口感加上醬汁更加好味道,而且鎖住了肉汁。海膽蟹肉茶碗蒸：海膽同蟹肉鮮甜再加上夠晒滑的蛋熱食一流。生忌廉吉士銅鑼燒：忌廉滑身,又唔會太甜,連埋餅一起吃更加正。蟹籽沙律：鮮美十足的蟹籽混合沙律醬蔬菜絲青瓜絲令人有一份清新的感覺。炸雞軟骨唐揚：炸雞軟骨炸到金黃脆口,咬下去口感十足。串燒5品盛食：雞翼、小青椒、金菇牛肉、雞軟骨、冬菇各自有自己特點,雞翼脆香,小青椒清爽,金菇牛肉捲牛香十足,雞軟骨口感一流,冬菇味濃。軟殼蟹手卷：軟殼蟹炸得香脆,加左七味粉添了點辣配合埋青瓜絲令到口感更佳。鹽燒三文魚頭：魚頭外皮都燒到金黃色夠晒香口.魚肉嫩滑多汁,魚香味十足。麒麟生啤酒：冰凍日本啤酒令到晚餐更加完美。信州蘋果梳打：清甜有氣蘋果汁。
continue reading
今日成一半日都係黑雨但無阻我地同朋友去聚會。今晚到元朗七福神食晚飯，好快就安排好座位。今晚點了七福神晚市二人前：（鮮海蝦味噌湯，煙鴨胸凱撒沙律，刺身四品盛，網燒安格斯牛扒，海膽蟹肉茶碗蒸，清酒煮海蜆，大蝦天婦羅，瀨戶鰻魚炒飯，生忌廉吉士銅鑼燒）軟殼蟹手卷，蟹籽沙律，炸雞軟骨唐揚，串燒5品盛食，鹽燒三文魚頭，麒麟生啤酒，信州蘋果梳打。鮮海蝦味噌湯-蝦夠鮮甜好味道，湯唔會太濃味 。煙鴨胸凱撒沙律-新鮮蔬菜食落令人清新，煙鴨胸都好味道。刺身四品盛-4樣刺身都夠新鮮香甜。網燒安格斯牛扒-份量都好多，牛香十足又唔會太肥。海膽蟹肉茶碗蒸-海膽鮮甜，蛋蒸得香且滑。清酒煮海蜆-清酒煮入鮮甜海蜆之內令到海蜆更加顯出鮮甜味。大蝦天婦羅-大大隻蝦炸得時間岩岩好，而且脆漿唔會過厚。瀨戶鰻魚炒飯-鰻魚份量都幾多，而個飯係炒得好香。生忌廉吉士銅鑼燒-食飽飽再食埋依個甜品就完美了。餅鬆軟加上紅豆少少甜非常夾。軟殼蟹手卷-有少少七味粉在上面令到手卷更加惹味。軟殼蟹熱辣辣非常香口。蟹籽沙律-個份量真係非常之大，勁抵食。蟹籽多到你唔信，入面仲有蟹柳，青瓜蔬菜令人食得清新既感覺。炸雞軟骨唐揚-粒粒脆口好味道，金黃色賣相加上香口既味覺已經加晒分。串燒5品盛食-當中有冬菇，小青椒，雞翼，金菇肥牛，雞軟骨。燒得好香口，金黃色既雞翼同雞軟骨，將多剩油脂迫既出黎既金菇肥牛。鹽燒三文魚頭-三文魚燒得香口，魚肉充滿三文魚香又唔會有魚腩魚油太多問題，食起來唔會太肥膩感。麒麟生啤酒-期間限定特價啤酒，啤酒凍冰冰同外賣熱辣辣平氣成了一大對比。啤酒清爽口感必飲。信州蘋果梳打-蘋果汁少少甜加埋梳打既氣令人甜在心頭。門口仲有糖機送你食返兩粒。店員服務態度都好好，抵讚。
continue reading
七福神散發濃厚的日式風情，牆上掛著櫻花樹下的富士山，仿佛置身於日本。安坐於舒適卡位，價格親民，環境清靜，慢慢品嚐美食，享受與朋友聚餐的時光。芝士焗天火蠔 $90焗蠔是必點推介，芝味窩心，蠔身表面焗至金黃，內裡填滿半溶的芝士，用匙羹挖開，蠔肉軟嫰肥美，肉汁鮮甜，加上濃郁的芝士，香氣誘人! 金龍蝦飯卷 $60飯卷包裹著香脆的蝦肉，搭配沙律醬及蟹籽，鮮香惹味，口感豐富。雜錦蝦天婦羅 $85天婦羅擺盤吸引，除了酥脆爽彈的大蝦，南瓜純樸清甜，茄子炸至油潤可口，還有冬菇及秋葵，脆卜卜滋味。海膽蟹肉茶碗蒸 $38茶碗蒸熱燙燙，滑不溜口，蛋香濃郁，蟹肉柔嫩，海膽的鮮香滲進蛋中，口感順滑，十分回味。板燒蒜片牛柳粒 $98牛柳粒以鐵板盛上，外焦裡嫩，蒜香撲鼻，口感軟腍，加上脆卜卜炸蒜、香甜洋蔥絲，令人垂涎。壽喜燒牛肉鍋燒烏冬 $108牛肉柔軟，肉味香濃，吸收了香濃的壽喜燒，煮至甘甜，沾上蛋黃汁，散發迷人肉香，質感更順滑。彈牙的烏冬，掛上牛肉濃湯，加上豆腐、娃娃菜、冬菇等，豆腐軟滑可口，䁔笠笠。桃味雪糕 $35綿密的水蜜桃味雪糕，入口果味洋溢，帶來清涼的夏日風味。香桃荔枝梳打 $46梳打氣泡感十足，濃甜蜜意，內有多汁荔枝肉，清涼解渴。滑蛋豬扒飯 $82炸豬扒厚身，炸到金黃香脆，飯粒拌勻滑嫩的蛋汁，簡單滋味。火炙三文魚壽司 $28（二件）三文魚被火炙下，魚油被迫出，火炙後油鮨香氣提升。·鰻魚手卷 $24紫菜包裹著厚身的鰻魚，配上蜜甜燒汁，鮮美可口，喜歡紫菜的薄脆口感。
continue reading
嘉城後面呢個地庫位又轉咗新餐廳，今次開店嘅係七福神，記憶所及元朗好幾年前都有間七福神，佢個日本菜又平又抵食，今次試下新店得唔得先。雖然係地庫位，但店內冷氣十足，燈火光猛。揀咗一張和風嘅四人枱坐，睇睇餐牌先，食物選擇幾多，店內用紙仔落單，寫低食物款號交畀店員就得啦。⭐刺身食日本嘢梗係要叫刺身啦，叫咗三文魚 & 三文魚腩，係咪痴線㗎😱一塊厚切到咁樣😱😱呢度九件三文魚食完都飽咗啦，食得好正好滿足😍⭐味噌湯粟米豚肉拉麵朋友話佢好肚餓要叫碗拉麵食，揀咗呢個味噌湯口味，上到枱真係同餐牌幅圖一樣，超多粟米！豚肉大大件厚切，燒得甘香😋⭐壽司跟住就係壽司啦，要咗火炙三文魚、火炙帶子、玉子、赤貝、吞拿魚腩碎軍艦，上面嘅魚生大份，火炙系列入口嫩滑鮮味，赤貝爽口，吞拿魚腩肥美，好食！⭐軟殼蟹手卷仲有一人一條軟殼蟹手卷，一隻軟殼蟹對半分，炸得香脆，入面有青瓜絲，仲落咗啲七味粉，微微辣幾正喎。⭐雜菜天婦羅雜菜天婦羅有蕃薯、南瓜、茄子、冬菇同青椒仔，即叫即炸夠香脆。⭐忌廉蟹肉餅平時好鍾意食可樂餅，見呢度有就叫一份，一份有四件，奉勸各位有四個人先好😂一件就飽咗肚啦！炸得外脆內軟，入面係滿滿嘅忌廉醬，好食係好食但真係好飽。⭐自家製熔岩芝士蛋糕食飽後又心思思想食下甜嘢，見枱面有個甜品餐牌，就叫咗呢款熔岩芝士蛋糕，芝士蛋糕軟綿綿好香口，芝士味好濃。除咗粒士多啤梨有啲醜樣外，件蛋糕有咖啡店嘅水準👍⭐柚子生忌廉吉士芭菲朋友就揀咗柚子芭菲，入口酸酸甜甜，下層有吉士醬、粟米片、忌廉等，好睇又好食♥️食物質素對得住價錢，個人覺得個三文魚刺身真係太抵食，哈哈，係咪師傅唔小心切厚咗㗎😝
continue reading
七福神和食亭位於元朗嘅市中心蟹籽沙律$72味道清新、鮮美，蟹籽的鮮甜與沙律醬的濃郁，口感滑嫩，讓人回味無窮，新鮮的蔬菜絲、青瓜絲增添了脆爽的口感，搭配蟹籽的細膩很清爽清酒煮大蜆$88蜆肉鮮嫩，清酒的香氣滲透其中，讓蜆的鮮味更加突出，清酒的甘甜與蜆的海味相融，帶有淡淡的酒香，蜆的鮮美清新又不油膩芝士焗天火蠔$90/3芝士煙肉香美，外層金黃酥脆的芝士，煙肉的鹹香與芝士的濃郁完美結合，焗𧐢鮮嫩肥美的口感三文魚腩刺身$85肉質鮮嫩滑順，入口即化，豐富的油脂香氣，整體口感柔滑炸雞軟骨$55炸雞軟骨香脆可口，外層金黃酥脆，咬下去時發出清脆的聲音，軟骨的口感獨特，嫩滑而富有彈性鹽燒三文魚頭$75金黃色的外皮十分酥脆，魚頭的肉質鮮嫩多汁，咬下去時彈性十足，嫩滑甘香法式燒羊扒$78外層香脆金黃，內裡肉質鮮嫩多汁。肉質散發著濃郁的香味，與羊肉本身的鮮美相得益彰，每一口都能感受到肉汁的濃厚壽喜燒牛肉鍋燒烏冬$108牛肉份量都算多，湯底入面有豆腐，大蔥，大量嘅娃娃菜同金菇，冬菇，烏冬彈牙，食太多刺身，食碗烏冬，可以暖下胃 ，牛肉的鮮嫩，入口即化，搭配上醇厚的壽喜燒醬汁，甜中帶鹹，豆腐和烏冬吸收了鍋中的精華，口感滑順深海池魚$90有四片，厚身，爽口鮮甜，池魚刺身的味道鮮美而獨特，肉質滑嫩，每一片刺身都切得精緻，色澤透亮，魚肉的鮮甜在口中綻放，搭配的醬油和山葵又不會掩蓋魚肉的原味，每一口都帶來清爽的口感甘甜
continue reading