樂天經典 (Closed)

襯今日放假，帶家人出尖沙咀食飯，爸爸中意叫餸食飯，之前聽朋友提過樂天經典，一於黎試吓啦好多款餸都有嗌小碟中碟或大碟，都幾貼心，就返唔同用餐既人數見到枱枱都有嗌碟蟹，好吸引。我哋就揀咗款黃金焗蟹，食落主要係咸蛋黃整既醬個蟹鉗又大隻又多肉，啖啖肉！食到蟹鮮味！而食其他部位會有更多咸蛋醬，每啖味道都好濃郁香口，非常好味油浸銀雪魚，炸到外皮脆脆哋，咬落d魚肉又好軟好快口內溶，味道方面調味剛剛好，唔會太咸又甜甜哋，好中意白胡椒豬肚湯，餐牌寫一盅係3-5人份量，我地4個人，每人都分到1至2碗，份量都夠。而個湯d料都足㗎，有幾隻雞腳，又有豬肚。我唔食得辣，所以依個湯對我尼講都辣，但係接受到，而個湯真係好暖胃呀，飲完成個人暖哂，我家人就最愛依個湯，同讚個湯唔會街外飲湯重味精味，抵讚櫻花蝦炒四季豆，個配合又係好惹味，四季豆都爽口既三杯鴕鳥肉煲，唔多地方食到依款餸，肉質比較軟，味道都唔錯！最後嗌咗楊枝甘露，酸酸甜甜，都唔錯！大家都幾滿意今餐既餸菜，好岩口味，物有所值既