馬祖 (將軍澳廣場) (Closed)

打邊爐最鍾意就係一人一鍋，可以自選啱自己嘅湯底同辣度！今日約咗同事一齊去將軍澳嘅馬祖打邊爐，分別揀咗藥膳台灣麻辣湯同埋藥膳蕃茄麻辣湯～藥膳台灣麻辣湯（中辣），藥膳愈滾愈出味，辣椒都愈食愈辣，夠哂惹味！藥膳蕃茄麻辣湯（小辣）好重蕃茄味，辣度啱啱好。美國Prime grade極上牛頸脊脂肪分布均勻且有濃郁牛味，肉質鮮嫩爽滑，一啲都唔嚡口，總共食左六七碟！西班牙伊比利亞黑毛豬黑毛豬肉質香甜，均勻嘅油脂分布，有軟嫩多汁嘅口感。自助醬油區同自助食品區均分類清晰，整潔乾淨，值得一讚！火鍋配料方面，推介芋泥貢丸，外彈牙，裏面嘅芋泥綿滑得嚟好重芋頭香，正！！自選食品區仲有一人份量粉絲，索晒湯汁，非常惹味，一人份量又唔驚會太飽，同樣推介～飲品設熱飲同凍飲選擇，好貼心~至於甜品區有多款雪條雪糕任食，大推Movenpick雪糕杯，有士多啤梨味同雲呢拿味，仲有雀巢嘅鷹嘜奶條，好重嘅煉奶味，十分解辣！今晚真係大滿足！