我堅真心推介 ⭐️ 打邊爐。梗係要嚟湊湊啦🥢
其實我去過好多唔同分店
始終覺得K11藝術館地牢嘅呢一間湊湊
無論係服務質素方面，環境衛生方面，都好好！
湯底方面：當然要推介佢嘅花膠雞湯底
佢除咗好足料之外，味道都好濃郁，仲有幾隻鮑魚仔㗎！性價比極高！👍🏽
每次我都會飲起碼兩碗湯先開始打邊爐😋
食物方面：最鍾意係出邊嘅自助吧！
有小食 (辣魚皮，中華沙律)
有水果 ( 西瓜，哈蜜瓜)
有白飯任裝😆仲有肉燥添
當然仲有醬料區 ⭐️ 我個人好鍾意佢個XO醬👍🏽
另外，好鍾意佢哋個沙冰
每次你食到飽飽地，佢就會差唔多時間上
初時推出乳酸味，最近轉推橘子味
酸味味，令你再次刺激食欲😆
仲有仲有，到差唔多最後，佢就會上梅子茶凍
呢個完全唔甜，係茶味嘅果凍
亦都係一個好完美嘅句號！👍🏽
