香江花月 (荃灣廣場)

Open Now

Now Closed

之前去過佢哋佐敦分店打邊爐，環境食物服務都幾好。今次特登下晝嚟諗住試吓佢哋嘅點心。荃灣呢間分店啲位都一樣係咁闊落，服務都好好。茶既選擇都有好多款，我哋揀咗人蔘烏龍，個味幾香幾特別。點心樣樣都整得好精緻，好食又啱打卡。我哋特登嗌咗佢地幾樣signature： 黑白天鵝、魚湯金魚餃、松葉蟹鉗灌湯餃。黑白天鵝個賣相好正，成個鳥巢加兩隻鵪鶉蛋咁上。外層酥皮整得好鬆化，白天鵝裏面係紅豆餡，黑天鵝係杏仁餡。金魚餃其實喺蝦餃浸係魚湯入邊。至於個松葉蟹鉗灌湯餃，個蟹鉗都唔細，隻灌湯餃都好料。最後梗係唔少得佢每間分店都有一間既打卡房啦。佢係一入門口既右面，千祈唔好Miss咗啊。