Read full review
2022-06-16
592 views
好耐冇食過墨西哥菜,端午節假期去咗西營盤呢間Verde Mar來一個Mexican Lunch!餐廳門口已經好多打卡位,牆上畫咗樹瀨壁畫,店內天花板又掛上色彩繽紛嘅Piñata,好有特色,身處其中令我諗起COCO嗰套電影!餐廳由正宗墨西哥廚師主理,大部份菜式都以牛油果或仙人掌入饌,而且菜式都幾特別,好多都喺出面嘅墨西哥餐廳搵唔到。Avocado Tostada ($89)賣相好靚!大廚將牛油果切片,再一片片拼成玫瑰花。軟滑嘅牛油果,配搭香脆嘅自家製玉米Tostada,口感好有層次。而且大廚加咗少少辣椒粉及芝士粉,有時辣有時鹹,味道好豐富!值得一試!Taco(3pc) ($89)可以揀3種口味,揀咗Fried Fish,Chicken同Carnitas Pork。 三款都係配搭軟滑嘅牛油果醬,芝士,番茄粒,洋蔥,味道簡單又豐富,另外仲有跟埋兩款墨西哥辣椒醬,辣辣地都好過癮!Quesadilla (2pc) ($89)Quesadilla 揀咗Skirt Steak(+10)同Chicken,配搭熱溶芝士,番茄,洋蔥,味道就比較惹味,如果肉嘅餡料多D,口感會更好。Birria Beef S
餐廳門口已經好多打卡位,牆上畫咗樹瀨壁畫,店內天花板又掛上色彩繽紛嘅Piñata,好有特色,身處其中令我諗起COCO嗰套電影!
餐廳由正宗墨西哥廚師主理,大部份菜式都以牛油果或仙人掌入饌,而且菜式都幾特別,好多都喺出面嘅墨西哥餐廳搵唔到。
Avocado Tostada ($89)
賣相好靚!大廚將牛油果切片,再一片片拼成玫瑰花。軟滑嘅牛油果,配搭香脆嘅自家製玉米Tostada,口感好有層次。而且大廚加咗少少辣椒粉及芝士粉,有時辣有時鹹,味道好豐富!值得一試!
Taco(3pc) ($89)
可以揀3種口味,揀咗Fried Fish,Chicken同Carnitas Pork。 三款都係配搭軟滑嘅牛油果醬,芝士,番茄粒,洋蔥,味道簡單又豐富,另外仲有跟埋兩款墨西哥辣椒醬,辣辣地都好過癮!
Quesadilla (2pc) ($89)
Quesadilla 揀咗Skirt Steak(+10)同Chicken,配搭熱溶芝士,番茄,洋蔥,味道就比較惹味,如果肉嘅餡料多D,口感會更好。
Birria Beef Stew ($189)
可以跟飯或Tortillas,由於點咗Tacos同Quesadilla,我哋就揀咗配飯。我哋根據建議食法,將飯,洋蔥同芫荽家加進湯內再一次過食。牛肉已經慢煮咗足足兩日,所以肉質好腍,毫不鞋口,份量都幾多。牛肉湯頭係重點,好鮮甜,充滿肉香。推薦!
整體食物唔錯,而且調味唔會太濃,著重食材原味,感覺好健康!不過當日去店員就比較黑面,回應問題都無咩耐性,服務態度就有待改善!
Post