Kane Tsuru Ramen (Shell Street)

與同事到炮台山工作後，四圍搵野食，經過呢間舖，比佢既日式裝修吸引，所以就食左。
多款選擇既拉麵舖，今次我簡左雞香湯拉麵+溏心蛋。
食物送到時，我十分驚喜，拉麵上有炸牛蒡，非常華麗，而且味道不錯。
拉麵方面，湯底十分香滑，不過麵質太粉，我個人不太喜歡。
肉方面有慢煮雞肉同豚肉，豚肉味道一般，但雞肉有出色既表現。雞肉嫩滑，有雞味。
不過溏心蛋煮既時間過耐，沒有溏心既感覺。