家賀屋

有日深夜係社交平台見到呢間人氣大熱嘅樓上日本餐廳~主打每日築地市場直送嘅魚生，仲有免費畫碟服務？畫碟能力直迫畫家？趁朋友生日慶祝最岩去呢到🔥必食期間限定：金箔海膽龍珠卷，成瓣海膽+吞拿魚腩蓉+醬油漬蛋黃俾紫菜溫柔包住，面頭仲要灑滿食用金箔，靚到唔捨得食！一啖咬落去，蛋黃嘅濃郁鹹香即刻爆出，跟住係海膽嘅creamy鮮甜，魚腩蓉仲帶住微微柚子胡椒辛香，層次感豐富到即刻encore多客！另外主食🐟特盛山椒鰻魚丼（二重鰻） 兩大塊長過手掌嘅鰻魚鋪到滿瀉，筷子督落去果下已經feel到皮脆肉嫩。秘製醬汁甜度啱啱好，撒上山椒粉之後多咗份木質香氣，每啖都挖到寶～ 🍣旗本壽司定食set竟然有8件時令壽司+茶碗蒸+雞軟骨餃子！當日食到雞軟骨餃子中トロ油脂甘香、茶碗蒸北寄貝爽脆帶海水味，而壽司勁新鮮醋飯溫度啱啱好唔會太酸。燒物仲加多份鹽燒三文魚頭絕對抵，魚眼膠質多到黐嘴唇～ 必食清酒牛油煮蜆，蜆肉肥美到好似迷你鮑魚，啲湯汁牛油味超重，真係勁好食！以為日料店甜品好求其？特濃開心果雪糕窩夫杯上枱嗰，師傅會用朱古力醬喺碟度畫公仔！當日收獲超可愛kuromi 同巴庫，真係手機食先儀式感爆棚～ 最重要係全日生啤直接