拾伍 (Closed)

位於上環呢一間拾伍 係一間特色cafe 成間餐廳都佈滿打卡位，十分有特色，係中層仲會賣復古時裝， 除咗同朋友嚟嘆一嘆tea， 或者食個lunch，仲可以嚟呢度shopping。 餐廳一樓三樓同頂樓都係 cafe 範圍， 同其他餐廳唔同，呢間cafe係行休閒路線 。嚟呢度同朋友聚一聚傾下偈 真係幾舒服。 坐低冇幾耐時應就好快將menu送上， 睇完menu決定要試佢嘅 和牛漢堡便當， 同試佢嘅髒髒mocha。先上嚟嘅係 和牛漢堡便當， 叫得便當， 侍應送上嘅真係一個用日式布打包好嘅便當盒， 真心打卡一流，而且便當包裝得好美觀 打開後發覺裏面有兩個飯糰兩件和牛漢堡同沙律菜，睇落十分豐富， 和牛漢堡十分軟淋好有牛味， 至於佢嘅飯糰亦都好有特色，味道一流。 至於佢嘅髒髒mocha，雖然要等15分鐘，不過好值得，佢用咖啡同cream佈滿咗杯邊 ，睇落好有特色， 而且味道亦都好濃郁， 值得再試。 我見飲品menu後面仲有一啲花茶，花茶都係一啲特別嘅花茶名， 下次可以encore再試。