Video
Read full review
2023-04-08
41 views
有朋友喺外國返嚟，好耐冇返香港食火鍋雞煲，於是網上搵咗一間嘅可以打卡又可以食火鍋雞煲嘅餐廳，一舉兩得📷😋！餐廳位於2樓，門口佈置得好港式懷舊風，有舊式拉鐵閘、單車和霓虹燈招牌等等，天花上掛着的燈都好六七十年代嘅感覺呢！裡面佈置都好懷舊，每個角落有不同嘅主題，會見到有舊時的生活家居、明星宣傳刊物、舊式電話、舊式牆紙、鐵杯、陶瓷碗等等，還有一對舊式酒樓必備大喜日子時用嘅金龍鳳裝飾，視覺上充滿著港式懷舊復古風味呢！喺openrice 訂座晚餐時段7:30pm 有限時優惠訂座88折，點雞煲加海鮮拼盤（細）減$100，全單慳咗$208！我哋3個人點咗以下食物：招牌無骨鳳翼釀雞煲（大）$348龍鳳呈祥海鮮拼盤（細）$498頂級雪花肥牛 $298即炸響零 $68油麥菜 $38醬介（有蔥、蒜頭、芫荽、辣椒和豉油）$24/位😋食後感：-無骨鳳翼釀雞煲係完全冇骨，裡面釀咗啲蔬菜粒同墨魚滑，可以成件食好方便，而且口感好豐富，叫咗少辣，好野味，感覺好快就食完，3人大煲都唔夠😂不過仲有火鍋，要留肚-海鮮拼盤（細）都有4人份量，好夠食，味道新鮮，正👍🏻-頂級雪花肥牛好好味🤤必點-打邊爐必點👍🏻即炸響零超邪惡😈高卡
餐廳位於2樓，門口佈置得好港式懷舊風，有舊式拉鐵閘、單車和霓虹燈招牌等等，天花上掛着的燈都好六七十年代嘅感覺呢！
裡面佈置都好懷舊，每個角落有不同嘅主題，會見到有舊時的生活家居、明星宣傳刊物、舊式電話、舊式牆紙、鐵杯、陶瓷碗等等，還有一對舊式酒樓必備大喜日子時用嘅金龍鳳裝飾，視覺上充滿著港式懷舊復古風味呢！
喺openrice 訂座晚餐時段7:30pm 有限時優惠訂座88折，點雞煲加海鮮拼盤（細）減$100，全單慳咗$208！
我哋3個人點咗以下食物：
招牌無骨鳳翼釀雞煲（大）$348
龍鳳呈祥海鮮拼盤（細）$498
頂級雪花肥牛 $298
即炸響零 $68
油麥菜 $38
醬介（有蔥、蒜頭、芫荽、辣椒和豉油）$24/位
😋食後感：
-無骨鳳翼釀雞煲係完全冇骨，裡面釀咗啲蔬菜粒同墨魚滑，可以成件食好方便，而且口感好豐富，叫咗少辣，好野味，感覺好快就食完，3人大煲都唔夠😂不過仲有火鍋，要留肚
-海鮮拼盤（細）都有4人份量，好夠食，味道新鮮，正👍🏻
-頂級雪花肥牛好好味🤤必點
-打邊爐必點👍🏻即炸響零超邪惡😈高卡路里
-食埋油麥菜8-9成飽，已經唔洗再點其他食物
自家製陳年鹹檸七 $38
😋飲後感：
-鹹檸檬好大粒，好夠鹹～正😋
-裝住嘅杯都好懷舊，係以前外公飲水會用嘅雙囍鐵杯，好懷念
Post