499
10
5
| Restaurant: | Lung Fung Chickenspot |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
Video
2-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
28198881
Introduction
It is an IG-able hot pot restaurant. The shop design is inspired by the theme of old Hong Kong in the 70s to 80s. It specializes in Chinese chicken pot and offers special flavours, such as adding salted egg sauce.
continue reading
Opening Hours
Today
12:00 - 01:00
Mon - Sun
12:00 - 01:00
Above information is for reference only. Please check details with the restaurant.
About Reward Scheme
Offers
| Restaurant: | Lung Fung Chickenspot |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
就咁聽餐廳名已經覺得好有氣氛，位於尖沙咀嘅龍鳳呈祥雞煲火鍋專門店。豐富嘅室內設計，每個角落都花盡心思，有老香港特色情懷。招牌無骨鳳翼釀雞煲非常創新嘅雞煲，味道濃淡適中，唔會愈食愈口渴，花椒八角洋蔥芫茜樣樣嘅香氣都好配合，最好重點係用去骨墨魚滑釀雞翼去代替普通雞件，就最啱啖啖內嘅人去食，雞油同底料味完全滲入墨魚滑。真係好好食。龍鳳呈祥牛肉拼盤一個大包圍嘅組合，多個部位都可以食到，各個部位都有唔同肉味同口感，整體來講都係高質嘅牛肉，食落唔會有雪味同埋肉質係靚嘅。兩個人食份量亦都算抵食。龍鳳呈祥手打鮮蝦丸（6粒）蝦丸口感夠哂彈牙，味道方面海鮮味相對之前嘅墨魚滑更加濃，所以食落嘅感覺完全唔同。牛骨濃汁牛丸（6粒）超級爆汁嘅牛丸，食嘅時候真係要小心熱，牛丸夠彈牙之餘，濃汁個陣牛油脂味又可以俾到滑嘅口感。魚皮餃（6粒）個人最愛，火鍋必食。size 夠大粒好滿足。龍鳳呈祥雜菜拼盤賣相極打卡嘅蔬菜籃，好有老香港嘅風格。嘅材料又塞到滿一滿真係夠晒抵食。自家製陳年鹹檸七清熱順喉，鹹酸甜嘅味道消滯解油膩之餘，又有夠哂解渴。
continue reading
最近同朋友想搵個地方食火鍋，仲要係有特色既地方！上網見到好多人提到「龍鳳呈祥雞煲火鍋」，話係復古風設計，滿滿七八十年代既懷舊feel，仲有秘製榴槤雞煲，作為一個榴槤控，點忍得住吾去試？😋 餐廳由裝修到餐具都係濃濃既復古風，牆上有老香港既霓虹燈招牌，播住懷舊廣東歌，仲有個婚禮舞台，隨手一影就係社交平台打卡點，氣氛岩晒我胃口！.秘製榴槤雞煲 半隻 $268主角登場！秘製榴槤雞煲真心係今晚既亮點！半隻雞煲份量多到誇張，砂煲入面有腐竹、洋蔥、芫荽、辣椒，滿滿既雞煲醬裹住雞肉，香到不得了！😍 上面仲放左成堆榴槤肉，店員會幫手將榴槤同雞煲撈勻，再煮一陣，入口係濃濃既雞香同微微既榴槤果香，辣辣地又好夾，估吾到兩種味道咁合拍！食完雞煲仲可以加高湯打邊爐，簡直係一鍋兩食，抵到爆！🔥.龍鳳呈祥牛肉拼盤細 $388牛肉控有福啦！拼盤有牛舌片、牛肉粒、雪花肥牛、手切牛肉、牛胸尖同牛頸脊，每款都新鮮到飛起！😋 牛舌片爽脆、雪花肥牛入口即化，手切牛肉同牛頸脊咬落好有嚼勁，沾點雞煲湯汁一齊食，簡直係人間美味！份量都好足，2人share都夠晒滿足.手工韭菜豬肉餃 $62作為餃子控，點會吾試下手韭菜豬肉餃？即叫即包，餃皮薄到透光，入面滿滿既韭菜同豬肉，肉眼見到綠油油既韭菜好新鮮！😍 豬肉肥瘦岩岩好，咬落汁水豐富，味道濃而不膩，真心推介比餃子迷，食完一個想再食十個！🥟.醬爆芝士腸 $38一碟有16條，份量多到傻眼！😳 芝士腸外脆內軟，芝士爆漿感一流！.香脆厚切午餐肉 $68切得厚身，煎到外層香脆，內裡仲保持軟嫩口感，單食已經好正，浸落火鍋湯底食更加係另一種滋味！😋.龍鳳呈祥雜菜拼盤 $138雜菜拼盤真心有心思，擺盤靚到似藝術品！有油麥菜、生菜、金菇、娃娃菜、黑木耳同淮山，仲有蘿蔔同蕃茄砌成心型，影相一流！🥗 蔬菜新鮮爽脆，食落清甜又健康！.出前一丁 $28出前一丁用火鍋湯汁拌成撈麵，簡直係神來之筆！麵條吸滿湯汁既濃香，入口彈牙又夠味，每啖都係滿足感！😍 .自家製陳年鹹檸七/無糖可樂 $38味道真心濃郁，酸酸甜甜好解膩！仲有買三送一優惠，幾抵！無糖可樂清爽，配火鍋岩岩好，飲完真係舒服到飛起！🥤
continue reading
我完全冇諗過自家製陳年鹹檸七配小辣的日本廣島蠔雞煲係咁夾😋誠意推介大家嚟食佢嘅雞煲，真心正! 今次我同朋友就嚟到位於尖沙咀上樓嘅龍鳳呈祥餐廳，係一間主打70-80年代懷舊主題火鍋店(啱我80後)，仲可以一路食火鍋聽到好多七八十年代嘅音樂，例如張國榮、葉倩文、劉德華等經典歌曲，仲有好多打卡位，中間仲有個龍鳳好啱擺酒招待賓客。 皇牌雞煲有多款特色口味，如「秘製鹹蛋黃醬雞煲」、「招牌無骨鳳翼釀雞煲」及期間限定「秘製榴槤雞煲」等，由於我最鍾意食蠔，叫了日本廣島蠔雞煲(約4隻蠔）另加50蚊可多半隻雞)一個雞煲嘅分量已經足夠兩至三個人享用，味道啱啱好，又做到掛汁嘅效果。而雞煲嘅雞肉好滑溜，即使連胸肉都好好味😘😘 食火煱怎少得牛肉，雞煲食完之後再加返上湯去食火鍋，另一款係龍鳳呈祥牛肉拼盤(細) 有牛舌片、手切牛肉、牛胸尖、牛金錢展、牛肉粒、雪花肥牛等，當中嘅牛金錢展最為出色，重牛味! 而牛胸尖好油潤味濃，而四方牛肉粒煮過後都唔會鞋。 .身為芫茜紅嘅我，叫左手打海量芫荽墨魚丸，墨魚丸非常新鮮有彈牙，好重芫茜味!而豐盛雜菜拼盤，就好似一束鮮花噉，菜分量多，足夠多人享用。 ⭐飲品方面，必試「自家制陳年鹹檸七」 我認為陳年嘅分別就係，夠鹹! 夠鮮! 會上有氣雪碧，會令人飲上癮! 唔咳叫多罐汽水唔好嘥😂😂
continue reading
Happy Friday 同媽子去左間好有八十年代feel既懷舊特色火鍋店到食飯，順便陪佢想下當年🤓我地食左：⬇️⬇️✨火焰原隻鳳梨雞煲✨$288將原隻菠蘿🍍以手切方式起肉，再將一半果肉加入秘製雞煲醬一齊烹煮，另一半就打成果蓉再加入菠蘿汁系上枱個時淋上面再點火呢個煮法全港獨有，小妹都係第一次見😍菠蘿酸甜既味道同濃香味美既雞煲醬完美融合，入口每件雞都又滑又嫩，充滿果香，正到令人欲罷不能，越食越開胃😆✨龍鳳呈祥牛肉拼盤(細)✨$388內有軟嫩唔韌既牛脷片、牛味超濃既手切牛肉、－口爆油牛胸尖、有筋有肉既和牛金錢展、油香十足牛肉粒同埋肥瘦適中既雪花肥牛🤩整體質素都唔錯，小妹同媽子最愛手切牛肉，柔軟多汁超好食🤘🏻✨回味五香肉丁餃（6粒）✨$78原諒小妹見識少，用五香肉丁做餡既餃子真係比較少見🤪估佢唔到比我想像中正👅－食即刻停唔到🤩如果餃子皮可以再薄少少仲更加不得了😍✨ 新鮮田雞✨$98肉質超滑又有彈性，連咁惹味既雞煲汁都阻擋唔到佢嘅鮮甜味，－食就知新鮮😬‼️✨龍鳳呈祥雜菜拼盤✨$138內有蕃茄🍅、白蘿蔔、金針菇、粟米🌽、蓮藕、木耳、淮山、娃娃菜、油麥菜同生菜🥬；種類超豐富，大大份咁好豐盛🫰🏻✨自家製陳年鹹檸七✨$38集咸、甜、酸於－身既鹹檸七，冰涼氣足勁解膩🫰🏻🐲龍鳳呈祥📍尖沙咀加拿芬道16號金輝大廈2樓#龍鳳呈祥 #雞煲 #雞煲火鍋 #火鍋 #hotpot #hotpothk #火鍋晚市 #打邊爐
continue reading
打完羽毛球好肚餓去食雞煲就啱曬，呢間龍鳳呈祥一推開門就見到吊滿天花嘅雀籠、舊式熱水壺同黑膠唱片機，最過癮係連飲品都用番舊式刷牙膠杯裝住，瞬間穿越返去細個喺屋邨茶記食飯嘅年代 😂餐廳環境及設計都好懷舊，時光好似返倒流80年代😉👉🏻 龍鳳呈祥雙雞煲（$298）一揭蓋就聞到沙嗲醬+濃香混花椒八角嘅香氣攻曬過嚟，流曬口水🤤 三黃雞：好入味得來，肉質實淨又有雞味田雞腿：嫩滑得嚟索盡醬香，小辣程度已經好過癮😂大家可以按自己接受程度選擇辣味🤪食得出雞仲有茴香，仲有港式五香粉，層次分明得嚟又夠晒和諧，唔會死鹹或者得個辣字，更加有醬油蚝油添加鮮味，惹味😋👉🏻 牛肉拼盤（$388）最愛薄切雪花牛🤩吸湯神器，滾3-5秒就食得，加左高湯仲保留到雞煲醬嘅精華 ，個雞煲醬值回票價👍其他還有牛舌、牛肉粒、牛胸尖等都正常👉🏻 雜菜拼盤（$138）蘿蔔雕成心形夠哂gimmick，粟米超甜無渣！最正係鮮雜菜，索晒雞湯精華仲juicy過肉～ 👉🏻 回味五香肉丁餃（$78）餃皮厚身唔易穿，食落鹹香帶辣，創意滿分但飽肚感更滿分💯👉🏻 炸響鈴 （$68）響鈴無得輸，好食🤤👉🏻 鹹檸七（$38）用經典刷牙膠杯上枱，鹹檸檬醃到軟淋淋，七喜氣泡仲係咁「滋滋」聲，飲落鹹甜冰涼，仲有舊時士多嘅風味！ 整體來講雞煲嘅質素真係好好，再加上懷舊環境，聽住懷舊音樂(張國榮/Beyond/梅艷芳)，幾relax😂
continue reading