九龍坎麻辣火鍋

Open Now

Now Closed

朋友好鍾意食麻辣邊爐，咁岩係社交平台見到有人介紹呢間就去試下。佢地裝修好有中國風，都幾靚架。門口仲有D古裝可以俾大家著上身影相打下玩下。湯底方面我地叫左胡椒豬骨高湯同招牌牛油紅鍋，麻辣湯比起平時食到既辣好多架，食唔到太辣既朋友要留意下。 🟩牛運亨通 我地今次有４個人一齊食，所以就叫左個大Size既牛肉黎食。店員一拎過黎我地都嚇親呀，估唔到咁大盤，岩哂打卡！入面有好多唔同牛既部位，包括肥牛、黃喉、牛胸爽、牛柏葉、毛肚等等，岩哂鍾意食牛既朋友，份量都唔細架！🟨九宮格 九宮格既擺盤好靚，分別有鵝腸、黃喉、桂花蚌、鮮蝦、鮮鴨血等等，岩哂咩都想試下食既朋友仔呀。鮮蝦同埋魚都新鮮，而個墨魚丸好足料同彈牙！ 🟦其他我地仲叫左鴨血、響鈴、蔬菜拼盤、糖心滋粑。店員同我地講鴨血係新鮮架，唔怪得顏色咁紅，味道好好食，大家要叫黎食！另外打邊爐必叫響鈴，因為可以吸哂Ｄ湯既濃味，正！而糖心滋粑亦都好好食，夠哂煙韌。🟪飲品 野飲方面我地叫左百香果手打檸檬茶同黑糖珍珠牛乳奶茶。好少可係打邊爐餐廳可以飲到珍珠奶茶呢，味道夠甜！百香果手打檸檬茶酸酸甜甜，可以中和下辣味。