Boholic

Open Now

Now Closed

今日喺長沙灣閒逛，偶然發現咗一間高質西餐廳，環境靚得黎又唔造作，影相打卡一流。主菜、甜品同氛圍都交足功課，難得三樣都咁出色，真係要記低。餐廳設計好有心思，地下三分之一位置擺滿鮮花、乾草同舒適梳化，散發住一種自然又悠閒嘅氛圍，好啱慢慢坐低食餐好嘅。主菜包是日餐湯配上自家製酸種包。🏅越式烤美國特級豬梅扒($128)：上枱已經香氣撲鼻，燒烤味十足。切開見到粉嫩肉色，外層微焦，內裏多汁，口感扎實唔鞋口。蘸埋越南酸汁，清新解膩，層次即刻提升。🏅香辣蒜片墨魚仔辣肉腸意粉($88)：香辣夠勁，蒜香突出，墨魚仔彈牙，辣肉腸入味，啖啖都刺激味蕾，食完仍然回味。🏅開心果奶蓋疏乎厘($138)：面層灑滿開心果碎，濃郁帶微甜，唔會膩，質感輕柔空氣感十足。