吃扒 (Closed)

11月13日揾食肥華同靚媽，去完西九海曬太陽，吹海風，唞大氣後便到此扒房食午餐，此店裝修格局令到肥華有重返七八十年代呢類平民鋸扒餐廳嘅感覺，充滿懷舊氣氛 肥華和靚媽各自點了此店的兩個扒餐，靚媽個肉眼扒可說水準不俗，色，香，味俱全有B+評分，而肥華個什扒餐內嘅各款食材，都係味道偏淡祇值C+水準，反而跟餐個羅宋湯就有驚喜，味濃，料多完全有七十年代肥華在四海保龄球場餐廳，第一次飲個碗羅宋湯嘅七八成質素，至於個煙三文魚沙律用料都算OK俾個B級評分亦可，但此店是人氣店，為求盡快翻枱各年青侍應做事非常勤快，上菜，收碟都係以茶餐廳待客速度進行，務求顧客儘快結賬離場，如果你唔介意呢種澳牛風格場面，到此店食一個有牛油餐飽，餐湯，主菜，甜品及餐茶嘅扒餐此店值得光顧