120
5
8
6-min walk from Exit E2, Mong Kok MTR Station continue reading
Telephone
63333000
Opening Hours
Today
11:30 - 22:00
Mon - Sun
11:30 - 22:00
Payment Methods
Visa Master AlipayHK Alipay Cash Octopus UnionPay Apple Pay Google Pay WeChat Pay
Other Info
10% Service Charge
Above information is for reference only. Please check details with the restaurant.
Review (145)
Level4 2022-10-02
0 views
「Chiba 吃扒」位於旺角豉油街,全店以懷舊復古風格做裝修主題,紫色店門好搶眼,店內放置大量懷舊裝飾做佈置,如舊式電話亭、留聲機及木製傢私等,環境一流,昏黃的燈光和播放住懷舊經典歌曲,令人仿如置身60年代的餐廳!餐廳主打各式鐵板扒餐,$158就可以歎到鐵板西冷牛扒,其中以熱熔芝士為主打特色,在各式各樣的食物淋上火焰芝士,儀式感十足,打卡一流,芝士熱溶後有拉絲效果,另外重有生酮飲食套餐,飲品方面有唂咕、滾水蛋等各式懷舊飲品,在靚靚嘅環境嘆住鐵板餐,大家快啲嚟朝聖下👍🏻✨各式各樣的套餐只需加$25 跟餐就有齊(湯,麵包,餐飲)另外加$18就可以有熱熔芝士🥩▪️特選肉眼扒配薯條 $ 180好耐冇食過鐵板餐,肉眼牛扒超級大塊,餐廳真係好慷慨,一個女仔絕對唔會食得晒,牛扒熱辣辣再淋上熱熔芝士,肉眼扒夠淋身,配上芝士,第一次咁樣食,味道唔錯🐠▪️ 香煎挪威比目魚柳配椰菜花 $ 148比目魚煎得唔錯,好香滑,調味剛好,帶少少鹹香,好食,魚嘅底部係炸椰菜花,口感微微脆,幾得意🍟▪️熱熔芝士薯條 $ 68 熱辣辣炸得香脆嘅扭紋薯條,配合拉絲芝士,淡淡芝士鹹香,真係最佳拍檔🍨🍫▪️朱古力心太軟配雪糕 $ 58飯後甜品, 心太軟蛋糕幾香濃朱古力味,中間呈流心狀態,雲呢拿雪糕再加上朱古力醬和好有懷舊特色嘅脆脆糖,相當唔錯🥤▪️凍唂咕和凍檸茶已經好耐冇飲凍唂咕,而家唔太多餐廳有供應,喜歡濃郁朱古力嘅苦澀味,基本上冇糖最正 continue reading
(The above review is the personal opinion of a user which does not represent OpenRice's point of view.)
好少去港式扒房,因為覺得啲肉質冇咁新鮮之餘,肉自身冇咩味。吃扒唔單止提供唔同高質素嘅扒類,價錢亦較西式扒房平得多,裝修有懷舊風得黎又有情調,岩晒情侶撐枱腳。另一個特別同貼心之處就係特設生酮餐單,有我椰菜花飯,對有控制飲食嘅人黎講就最岩不過!🫕熱熔芝士紐西蘭牛柳 |蒜蓉汁|薯菜|𝟷𝟾𝟾(+𝟸𝟻 跟餐有餐包﹑餐湯﹑甜品及飲品)由個羅宋湯開始已經好欣賞😂連啲伴菜都好甜,個熱熔芝士係熱辣辣即場倒上面,真係唔係只係for打卡,實際亦為牛柳生色不少,不過就會令到啲薯條腍晒囉😂叫5成熟岩岩好,有牛味得黎點食都肉汁飽滿,可以喺港式扒房食倒哩個質素真係唔錯。🆕𝙺𝙴𝚃𝙾|慢煮煙燻加拿大豬架|𝟷𝟾𝟾哩個豬架同樣豬味十足,一啲都唔膻,用左慢煮嘅方式去烹煮更係令肉質腍得黎唔韌,又juicy,輕煎過嘅表面帶微燻,推!餐廳有冷氣,但一路食一路傾啲肉都仲可以保持住溫熱,食到最後都仲keep倒好好食。仲有for生酮嘅椰菜花,好有心思地同芝士煙肉一齊煎過,好有鑊氣🥹🍨朱古力心太軟配雪糕|𝟻𝟾食完扒都已經夠飽,而雖然跟餐有一小件朱古力brownie,但就唔係幾夠喉,食埋個心太軟就岩岩好,雪糕大大舊,配埋爆醬心太軟,非常滿足~ continue reading
(The above review is the personal opinion of a user which does not represent OpenRice's point of view.)
Level4 2022-08-28
2106 views
餐廳佈置簡潔明亮, 配上柔和的 燈光, 環境相當有氣氛, 門口用上粉紫色為主調, 旁邊加上長木櫈, 更成為了顧客們的打卡熱點。吃扒雜扒 $174 (另加$18可配熱溶芝士, 加$25 還有餐湯、 餐包、 餐飲及甜品 ) 雜扒相當豐富, 有煎蛋、豬扒、牛扒、雞扒、煙肉及牛仔腸等羅宋餐湯, 酸酸甜甜, 令人胃口大開, 餐包鬆軟可口。 店員將熱燙燙的熱溶芝士,淋在我們的雜扒上面 , 賣相令人垂涎, 牛扒、豬扒及雞扒, 大件厚切,香氣十足,質感軟腍, 牛仔腸口感煙韌,加上熱溶 芝士的鹹香, 令到雜扒滋味立即升級, 令人食指大動。香煎挪威比目魚柳 $148 新鮮煎起的挪威比目魚柳,魚皮煎至金黃帶脆, 魚身雪白滑溜, 還有爽甜的椰菜花跟配, 口感好清新。 焗蕃薯條配雪糕 $68脆卜卜的蕃薯條,純天然的甜香,口感黏糯,沾上熱溶的棉花糖 ,十分吸引, 跟配的雲呢拿雪糕, 香甜滑溜, 讓人喜歡的飯後甜品。 continue reading
(The above review is the personal opinion of a user which does not represent OpenRice's point of view.)
Level4 2022-08-25
2371 views
🥩 吃扒 😍本身諗住約食旺角吃吧Chiba但見佢地開左新餐廳主打懷舊港式鋸扒又忍唔住心動想試煙肉雜菌燴黑松露椰菜花飯 $118呢間吃扒係懷舊港式之中又帶啲新派就係有生酮食物自從喺一禪食過椰菜花飯覺得唔錯之後好似都冇乜地方可以食到估唔到呢度都有得食仲要整得好好食黑松露醬汁同椰菜花飯既比例既岩岩好唔會太濕而個味道又唔會太濃跟套餐 +$20餐湯係幾濃既老火湯而飲品我飲咗傳統港式茶餐廳先至有嘅唂咕純朱古力沖制而成的飲品未飲過可以一試熱熔芝士紐西蘭牛柳 $188色香味俱全黎形容呢碟牛柳呢個配搭好少見鐵板牛柳熱辣辣上枱已經好香仲另外用個煎PAN將熱熔芝士淋上牛柳組成左邪惡的組合 芝士+牛 (๑・̑◡・̑๑)紐西蘭牛柳好厚身叫左七成熟 肉質口感剛好 又嫩滑建議最生都係叫五成熟好啦濃厚芝士味道同牛肉好夾無搶去肉味 但又食到好香既芝士味配埋港式波浪薯條簡直有細個食鐵板餐嘅味道醬汁方面叫左黑椒汁另上可以任你點咩都得跟套餐 +$25跟個紅湯就正常港式羅宋湯味另外叫左黑牛襯番呢間主打懷舊港式扒房既餐廳唔知而家啲後生仲知唔知咩叫黑牛同白雪公主呢今次我就飲左黑牛凍冰冰嘅可樂再加埋朱古力雪糕就整咗好多人嘅童年回憶出嚟啦以前細個好鍾意將個雪糕向下㩒就會產生啲泡泡出黎好得意架(〃ω〃) continue reading
(The above review is the personal opinion of a user which does not represent OpenRice's point of view.)
Level4 2022-08-24
1397 views
最近生酮飲食大行其道,市面上一向都比較少呢類餐廳,今次經朋友介紹試左旺角呢間新開扒房!餐廳位於豉油街街尾,以紫色為主題非常eye catching~❁ 布袋流芯芝士沙律布袋芝士即係原隻Mozzarella cheese~餐廳好豪氣咁原件上,做一個開胃菜唔錯🥗~❁ 特選肉眼扒必加$18配埋火焰芝士‼️‼️‼️店員一拎出嚟已到嘩嘩聲!芝士係🔥中倒落牛扒上面真係好治癒,牛扒叫左5成熟,芝士卷住牛肉更突出牛味。另外可以加$25做套餐,會有餐湯餐包甜品跟埋~今次試左一個羅宋湯同中式湯,完全無味精好足料讚讚!❁ 軟殼蟹牛油果蟹籽忌廉扁意粉軟殼蟹熱辣辣脆卜卜,底下有半個牛油果🥑,同埋忌廉意粉撈埋一齊食好香油脂味~不知不覺間成碟清哂🤦🏻‍♀️今次同朋友都簡左無糖飲品一款係有機蘋果醋梳打,食完芝士解膩岩岩好😌酸酸地啖啖蘋果醋,完全健康之選,另一款就叫露絲瑪莉紅茶梳打都ok~最後店員仲好好禮貌提醒我地有個甜品🍮,望住個肚😅呢餐真係不得了,甜品原來係keto巴克斯芝士蛋糕!無林過跟餐甜品都咁有heart😆📍 吃扒 (旺角)旺角豉油街108地舖 continue reading
(The above review is the personal opinion of a user which does not represent OpenRice's point of view.)