雞皇 (Closed)

星期六的下午路過此店，見到雞皇兩字，即刻想入去試吓佢有幾堅！竟敢自稱雞皇 午市套餐好抵食，平均都係四五十蚊，最後叫咗兩款雞，海南雞同鹹香雞。仲要包一個湯同飯， $48真係抵食！湯味道偏淡，係普通嘅蕃茄薯仔煲雞腳，或者可能加得太多水去煲。飯餸嚟到一刻，我同朋友都以為送錯野，兩碟雞竟然係一樣！阿姐回答說：無論你叫所有雞，都係同一樣雞，只係個汁唔同。我落單嘅時候點解你唔講... 咁我會叫第二樣囉... 就係咁，最後嚟咗兩碟咸雞飯，飯唔錯，唔係太濕，雞... 其實冇乜味，都係點豉油食... 最後也吃不完，好乾，好頂胃 未食過其他餸菜，不知道其他食物如何，但可以肯定的是價錢算平，又夠冷氣，又有茶飲，又有電視，想中午平平地舒舒服服食飯可以選擇。