曼谷泰菜 (Closed)

4點幾5點鐘去到, 之前已經食過一次蝦醬炒飯超好食, 所以捱餓都要等到去曼谷先食lunch。點知行到去門口, 一個侍應都無, 得個收銀員, 係度自己做自己野, 我企左一陣佢先問我幾多位, 咁我行左入去之後就兩頭望, 好似入左一間快餐店咁自己搵位。坐低左之後就叫野食啦, 今次無左下午茶既蝦醬炒飯, 唯有叫香葉肉碎炒飯, 唔~都幾好食, 不過好多油炒出黎, 實在太油啦, 而且佢落辣椒亦都好重手, 又唔寫辣又唔同我講下, 我唔食辣咁點算呢？最後碟飯辣到我好辛苦先食得8成, 不過佢跟飯既幾片青瓜原來夾住黎食辣係可以解辣的, 不過唔夠我用啦！最後埋單, 根本就見唔到有侍應係度做野, 全部坐低哂係度食飯開party, 點解話係開party呢? 因為有d泰國女子唔係著員工服都入埋黎佢張台度食飯, 根本無人係度做野, 真係一個都無！但個場又唔係得我一個人係度食野架喎！呢d服務就真係唔掂啦！最後我去果張台度叫: 唔該埋單丫!我一個仙貼士都唔會比, 更加唔應該收我加一, 因為佢根本無侍應服務過我！