Video
Read full review
2018-01-03
227 views
新開咗一排，雖然知道openrice 呢度實在鱔稿比真正評價多的是，但見重有人去，所以今晚閒日尊登早啲6點幾落去試下，點知…………從來唔食剩嘢嘅我都頂唔順要放棄，從來唔寫評價的我都忍唔住要開齋，唔想太多人被蒙蔽，因為佢價錢其實不算平不太街坊，我就一定一定不會再幫襯了！未試過的想試下就 good luck 吧！紅燒牛肉麵，唯一正常好食的，應該係唯一可以食的，但比較樓下foodcourt 輕鬆小站的差啲，而且份量也比人少，所以掛住台灣牛肉麵都唔需要一定嚟呢間食！酥炸雞排肉燥飯套餐，以為穩陣，雞排夠脆但一啲都唔香唔台灣，連最基本的香味淮鹽都沒有放，同樓上Aeon 超市賣$15 嘅吉列豬扒反的豬扒一樣難食。想食食台灣炸雞不如去坑口連理街買吧。肉燥飯更慘，肉碎無味，汁又一啲都唔香，唯一正常的是用的米吧，評價是差。套餐的燉湯今晚是蟲草豬肉，夠熱，味道OK, 味精是有的。套餐的上湯浸菜，味道是這表情 -_-$6 的鹵水蛋，上來時心想oh no...超細，食落又完全唔入味，差差。芒果綠茶、蜜糖綠菜，淡淡淡又唔香，完全唔得，不如飲自助水慳翻$6 杯買好過。重頭戲！！是我人生食過最難難難食的花枝丸，一啲不
從來唔食剩嘢嘅我都頂唔順要放棄，從來唔寫評價的我都忍唔住要開齋，唔想太多人被蒙蔽，因為佢價錢其實不算平不太街坊，我就一定一定不會再幫襯了！未試過的想試下就 good luck 吧！
紅燒牛肉麵，唯一正常好食的，應該係唯一可以食的，但比較樓下foodcourt 輕鬆小站的差啲，而且份量也比人少，所以掛住台灣牛肉麵都唔需要一定嚟呢間食！
酥炸雞排肉燥飯套餐，以為穩陣，雞排夠脆但一啲都唔香唔台灣，連最基本的香味淮鹽都沒有放，同樓上Aeon 超市[超級星期三]賣$15 嘅吉列豬扒反的豬扒一樣難食。想食食台灣炸雞不如去坑口連理街買吧。
肉燥飯更慘，肉碎無味，汁又一啲都唔香，唯一正常的是用的米吧，評價是差。
套餐的燉湯今晚是蟲草豬肉，夠熱，味道OK, 味精是有的。
套餐的上湯浸菜，味道是這表情 -_-
$6 的鹵水蛋，上來時心想oh no...超細，食落又完全唔入味，差差。
芒果綠茶、蜜糖綠菜，淡淡淡又唔香，完全唔得，不如飲自助水慳翻$6 杯買好過。
重頭戲！！是我人生食過最難難難食的花枝丸，一啲不誇張 (實在懷念台北度小月的花枝丸) 。一個字，差差差差差，簡直想叫旁邊剛坐下的情侶千萬千萬千萬唔好叫花枝丸呀呀呀！！！$38 五粒，上枱見size 比在台北食的大，以為justify 價錢，一試，伏伏伏伏伏，唔香唔咸唔彈牙，完完全全唔入味，溝咗超多粉，除外面有少少味之外，深入0.1cm下面開始已經無味，粉一舊，有渣，阿仔重食到要吐渣，從來未試過咁難食嘅花枝丸，也是呢碟嘢促使我不評價不快！！！
最後食剩炸雞半碟，花枝丸兩粒，用行動想話比老闆知道，客人食剩是因為實在難食。
總結呢間店想扮文青店，但感覺推砌不文青，完全係將軍澳廣場feel 而已，食物一啲都唔台灣 (本人已去過台北很多次食食食了)，而且又唔係localize 咗香港口味，簡單講係未及格 (不過阿仔話外賣珍珠飲品是可以的)。
Post
