OVO Cafe x 大飯糖 (Closed)

呢個係我人生寫嘅第一個食評所以要用一個比較有記念性嘅標題。今日行過灣仔 一心諗住到OVO睇傢俬家品 因為知道有唔同嘅東南亞風格的傢俬產品，而最欣賞這店傢俬部分的空間感及氛圍都仿如熱帶地方，尤其啲鳥雀聲。其後離開時見CAFE在旁 就入座初嚐。ORDER了- 四重芝士impossible Meat肉醬扁意粉- 芝士西蘭花🥦- 甜品楊枝甘露初嘗impossible meat，等緊製作時，Google有關資料發現原來Impossible Foods和Beyond Meat係兩大專門研發和製造植物肉的公司，算是植物製造肉市場中的兩大龍頭。兩者都係以保護環境拯救地球，同時不失肉類口感味道為前提而設計產品。植物肉的味道同真肉的確相似，平時我覺得坊間嘅肉醬意粉都偏燶偏濃味偏鹹，而且比較油，呢一次我品嘗到一道味道適宜，沒有油膩感！由於初嚐植物肉體驗幾好，區使我想將呢個感受作為人生第一個食評🤓TASTE GOOD ~Btw芝士西蘭花🥦真心好味 。