Video
Read full review
2014-10-26
553 views
我想男生們總會聽到女生們說...【我地有兩個胃】點為止兩個胃呢?就係因為明明呢頭食飽個晚餐但係轉個頭都仲可以去食糖水/Dressert 小妹也跟我的好友去一次夜宵磨朋友跟小妹說上次她來深水(土步)見到一間價錢便宜卻不錯的甜品店,問小妹有冇興趣一試雖然小妹需要減肥,但係想跟好友談談心>w<就一於去了她說的甜品店【甜入心】認真的,這小店絕對不是就腳之地因為我地都行左好耐先到,我就問好友為什麼要去咁遠o者近近地去食一間都得啦,佢就話,你去到坐底試下就知道好~就睇下佢係唔係真係講到咁鬼正先得!!!呢間小店位於福榮街尾,不近地鐵站(應該鄰近明星酒樓)雖然店鋪很不就腳但係卻不需排長龍及坐得蠻舒服真心個句..有陣時去食糖水都係搵地方hea 吹下水架啦其實我都好唔鐘意連食糖水都要排隊入到呢間小店,覺得光線很充足~店鋪很乾淨已經蠻鬆動,最重要唔會坐到人貼人咁呀!!由其呢d 天氣真係想殺人,已經夠熱仲要貼住我背隻講左咁耐,不如睇下當日我地又食左d 咩Dressert 啦首先要介紹一下呢個中式糖水【一點芝麻糊+杏仁茶】$18 (凍/熱)大家會睇到圖中有三隻色,除了芝麻糊及杏仁茶之外其實仲有少
我想男生們總會聽到女生們說...【我地有兩個胃】
點為止兩個胃呢?就係因為明明呢頭食飽個晚餐
但係轉個頭都仲可以去食糖水/Dressert
小妹也跟我的好友去一次夜宵磨
朋友跟小妹說上次她來深水(土步)見到一間
價錢便宜卻不錯的甜品店,問小妹有冇興趣一試
雖然小妹需要減肥,但係想跟好友談談心>w<
就一於去了她說的甜品店【甜入心】
認真的,這小店絕對不是就腳之地因為我地都行左好耐先到,我就問好友為什麼要去咁遠o者
近近地去食一間都得啦,
佢就話,你去到坐底試下就知道
好~就睇下佢係唔係真係講到咁鬼正先得!!!
呢間小店位於福榮街尾,不近地鐵站(應該鄰近明星酒樓)
雖然店鋪很不就腳但係卻不需排長龍及坐得蠻舒服
真心個句..有陣時去食糖水都係搵地方hea 吹下水架啦
其實我都好唔鐘意連食糖水都要排隊
入到呢間小店,覺得光線很充足~
店鋪很乾淨已經蠻鬆動,最重要唔會坐到人貼人咁呀!!
由其呢d 天氣真係想殺人,已經夠熱仲要貼住我背隻
講左咁耐,不如睇下當日我地又食左d 咩Dressert 啦
首先要介紹一下呢個中式糖水
【一點芝麻糊+杏仁茶】$18 (凍/熱)
大家會睇到圖中有三隻色,除了芝麻糊及杏仁茶之外
其實仲有少少既雲里拿,咁究竟呢個雲里拿有咩用呢?
店主指係因為想令整個糖水更滑~我而今次我地亦揀選了熱的來吃
個人感覺就也很滑,杏仁味很重~雲里拿味就好似唔太覺
養顏推介之作!!!最重要是味道不太甜,大家唔洗擔心甜品好甜既問題
第二個是我中式最愛既糖水之一【海底椰燉奶長木瓜】$30
主角當然是長木瓜,女生一定知道木瓜可令咪咪豐滿點呢^^
另外本身海底椰又可以潤肺,止咳,
燉奶就梗加唔洗講啦,食完肌膚仲唔滑流流~
成個甜品都係養顏滋潤,仲可以Keep 住肌膚滑流流~
同姊妹Share 都冇問題啦,一個人食哂真係好飽架其實
開始介紹一下呢特別既甜品,就係未必間間都有得食既甜品呢首先我要介紹既就係【風花雪】(凍)$25
(豆腐花,鮮芒果,雪米滋,椰汁底)
既然叫得風花雪,我估就係因為佢以椰汁做底,形做一個白雪環境
加上佢本身加入了豆腐花,所以會更加白上加白
如果你本身喜愛芒果的朋友絕對可以考慮一下呢個小甜品^^
我很喜歡它們的芒果真的好好吃!!!
再來一個小甜杯,呢個我自己很喜歡的呢!!!!因為呢個口感超滿足的呢~真係好多野可以咬xd
呢個就係【白馬皇子】(凍) $28
女生總是幻想有一個白馬王子,但係現實就....搵個食得架先啦xdd
今次呢個白馬皇子主要包含杏仁凍,栗米片,鮮芒果及方果
睇到係唔係覺得真係好多口感先?令我最喜歡的就係它這個杏仁凍
或者大家會覺得點解好似好實好粉的感覺
其實我就覺得係真材實料就真呢,因為我自己覺得係實而不是粉
吃得出,店主是為了客人吃得好的感覺,
加上有一點點小方果很有咬口的!!!
小妹推介呢款甜品比大家
或者大家可能話....車,你介紹個d 都唔係好特別o者!!拿~今次就介紹一個多重口味既甜品要介紹比大家既
它就是【三美人】凍 $55點解我話係多重口味呢?
因為單單只係果凍都有三隻唔同既味道
包括我最愛既杏仁凍啦,香檳果凍及焦糖布旬
加上有左三款生果同埋d 小方同爆珠等等
完全係一個可以叫一個幾個人Share 既甜品
亦係一個大家唔知叫咩既時候,呢個都值得一叫~
好似說布丁的來說,杏仁凍是我最愛不用多講....
那個焦糖布旬香而不太甜,呢個好岩女仔食架
不過小妹自己就唔太愛香檳既味道就覺得唔好食啦xdd
但係佢真係好重既香檳味既果凍,如果你愛香檳一定愛它
加上也有生果及其它小粒粒也可以很飽肚的唷!!
三個女生齊齊Share 也可以啦~
開始倒數我第二最愛既甜品,它就是【芒果窩夫】 $33
或者大家會話某某甜品既窩夫仲好食啦,
但係老實講要好食又價錢抵又有幾多間呀?
呢個小甜品既有好好味既芒果,又配以芒果雪糕
再加上窩夫,呢個窩夫脆不太燶!!好好吃~~
不過那個果Jam 我以為是Honey,原來是芒果汁xdd
我還是喜歡窩夫配蜜糖多一點~
係點汁方面令小妹扣了少少分~只怪我特別麻煩
最後就是我最喜歡的小甜品,一個既香又甜又好味既小甜品它就是【焦糖布甸椰皇子】凍 $30
點解我會咁極力推介呢?說真的我本身不太喜歡椰皇的產品,但係它卻令我一試難忘
來一個冷知識先,原來大家一定對椰皇絕不陌生,
但係你又知唔知原來椰皇都有分三種的呢?
其實它們也有分大,中,細既Size
而最多Size的多數就是大家在超市/生果檔買到既Size
雖然它們多數有汁但係不算太甜
中Size 的就而家甜品用緊那一款,雖然Size 細了一點點,
但係它卻是最甜的椰皇!!
而最細的那款,水雖然是最多但係其實亦是最無味的一款
好啦,講完冷知識又不如再講番個甜品啦
可能大家都會平時係街市會有個人幫你開左個少少蓋去飲,
但係食呢個甜品的話起碼也需要弄開1/3 範圍既蓋呢
我覺得真係好花心思同時間,就是不想令到客人受傷
另外它除了那個好好吃既焦糖布甸外,
其實布甸底下仲有一個小果凍
就係用上椰皇內的水整成的唷!!!
所以特別清甜,而且好香的味道
如果你真係好喜歡吃椰子的朋友當然可以刮埋d肉一齊吃
仲有另一種風味的唷!!
介紹咁多甜品~唔知睇緊既你又會唔會好肚餓呢?雖然今次呢個甜品店真係未必好就腳,
但係我覺得店主既真心真係值得我地去支持
連我媽媽也說點解佢唔開係粉嶺,我日日去幫襯咁講~
老實講,而家乜都加就係人工唔加~
食甜品以高質素低價錢既店鋪又真係搵到幾多呀?
同埋店主開呢間小店唔係為賺錢而他真係有呢個夢想
我想他是為賺錢唔會準備定果茶比大家飲用
說真有幾多店鋪會準備一杯水比你呀
真係要張紙巾都收你錢=口=
今次係小妹第一次既甜品食評都希望你地也喜歡它吧
(地鐵站B2出口直行, 到了福榮街轉右再行幾分鐘就到)
Post
