菜單貴精不貴多，照舊，照牌肉燥汁豬扒撈粗。
因為人流多，豬扒都係密密炸，唔洗等太耐就有得開餐。豬扒一如以往，大得誇張，外層十分酥脆。
豬扒比出面食嘅更厚切，口感滿分。賣相，份量同口感都無變。味道，有一點失望，豬扒醃得不夠入味。肉燥大多都是肥肉，是正宗的。味道是港式那款，不是台灣甜味重的那款。撈粗係無得輸嘅，偷佢掛汁強，又不失咬口。肉燥汁係油的，食嘅時候要忘記咩係卡路里。夥伴叫嘅係咖哩汁豬扒飯加炒滑蛋。
咖哩汁另上，唔會食都一半就索哂d汁。味道係港式茶記味道，撈飯又係無得輸。
炒滑蛋可以唔洗試。蛋炒得不夠滑，熟左d, 而且無蛋香。雖然今次食返有少少失望，但會俾多次機會佢，希望塊豬扒味道會更好。限定嘅蔥油豬扒，其實係豬扒上加左平時食白切雞嘅蔥油，對佢興趣不大。哩間食店都係銅鑼灣推介嘅飯堂之一。份量，味道同價錢都係中上水平。裝潢都好時尚，吧枱，open kitchen, 食物係港式風味，fusion就係溝埋一齊又好夾嘅意思！見到牆上寫住我'我們都是吃豬長大的'，食完，想加多句，'我們都是撈汁大的'！
