阿久根和牛拉麵屋

Open Now

Now Closed

好耐冇去日本，突然好肚餓好想食拉麵，入咗間好日本feel嘅拉麵店，好似去咗轉日本咁，食完即刻精神晒🤣舖頭有好多唔同口味嘅拉麵同小食，湯底都幾款可以揀，仲有沾麵添呀，正呀😍慢煮A4和牛沾麵，$148拉麵店竟然食到和牛，未試過咁特別嘅配搭，所以好期待。上嚟嘅時候，個湯仲係滚嘅，好香好正，我揀咗濃蝦湯底，真係濃得好緊要呀🤣有兩大塊和牛，半生熟，我試咗一塊直接食，一塊放落湯度浸一浸，點食都好味😋沾麵份量勁多，正常女仔一定食唔晒。食到咁上下就可以叫佢哋加清湯，之後就可以飲啦，好正呀。燒牛肩胛拉麵，$98朋友見我點咗牛，佢都唔執輸，叫咗牛肩胛，呢個牛都好唔錯呀，牛味重，燒得幾香，好正。拉麵幼身啲，湯又清啲，食起身冇咁滯，想重口味啲就可以再加枱麵嘅粉，朋友試咗一款洋蔥味嘅辣粉，佢話幾正喎。日式餃子，$48為咗更加似去咗日本，我哋叫咗日式餃子🤣不過呢個餃子有啲貴，得4隻，不過味道就好日式，同日本食嘅好似。食完瞬間充滿能量💪🏻好飽好滿足。