成都老碼頭火鍋 (Closed)

見到個大紅燈籠,咁有中國特色,就知呢間係傳統既火鍋店。呢度既水果吧主要有西瓜同紅肉火龍果任食,仲有多款醬料選擇。我一人打邊爐,冇叫太多野食,湯底叫左最平既豬骨湯,飲左幾啖湯就開餐啦!主要叫左得意既油炸鬼,可以就咁食,即都可以快滾幾秒食,唔同既口感。芝心小龍包有流心既芝士,好味。牛肉我都只叫了半份,但一人食都好夠,食得出係靚牛肉,入口即溶。驚唔夠包,就叫埋個九菜餃子,有滿滿既九菜,好香好好味。飲品唔貴,叫左大大個又多汁既椰青,好解渴呀!