Video
Read full review
2018-09-13
86 views
之前喺黃大仙已經食過呢間和氣，幾個月之後再同朋友黎開呢一頭，就再食多次，估唔到水準依舊，值得欣賞！雖然今日係平日，但都好多人排隊，等咗好耐先有得入去食。檯面都算幾整潔而且一坐低就有餐牌送到。呢款鯛魚湯泡飯似係呢期嘅招牌。「先聲奪人」左口魚邊牛油果沙律係我好欣賞嘅開胃菜，一送到嘅時候已經聞到好香嘅黑松露味，牛油果非常之軟，如果夾起牛油果加啲芥末豉油，感覺真係有啲似三文魚。左口魚邊唔硬，好易入口，仲吸收咗唔少黑松露嘅味。沙律菜加埋黑醋、酸汁好醒胃，唔單止有酸酸甜甜嘅，咬落都好新鮮。「直截了當」刺身定食點咗唔係好多，只有三款刺身，但係三款都係我哋鍾意食嘅。三文魚切得好厚，感覺係啖啖肉，而且冇腥味。生蝦好爽口，咬落都唔會霉，夠曬彈牙，整體感覺都幾唔錯！「破舊立新」記得係呢度之前食過火鳥雞翼，今次有機會試到呢個電擊雞翼，應該都算係呢度嘅招牌菜。本身睇個樣以為電擊雞翼應該係偏微辣，而且係脆口嘅。但食落完全相反，入口係甜甜地，而且係放涼咗嘅，一種甜味之後，帶啲啲微辣感覺。而且係一字骨雞翼，食落好方便，就得欣賞！「香氣馥郁」主食我哋點左兩份，首先係白咖哩烏冬，一嚟到個賣相已經非常之吸引。有忌廉喺碗面，
雖然今日係平日，但都好多人排隊，等咗好耐先有得入去食。
檯面都算幾整潔而且一坐低就有餐牌送到。
呢款鯛魚湯泡飯似係呢期嘅招牌。
3 views
0 likes
0 comments
「先聲奪人」
左口魚邊牛油果沙律係我好欣賞嘅開胃菜，一送到嘅時候已經聞到好香嘅黑松露味，牛油果非常之軟，如果夾起牛油果加啲芥末豉油，感覺真係有啲似三文魚。左口魚邊唔硬，好易入口，仲吸收咗唔少黑松露嘅味。沙律菜加埋黑醋、酸汁好醒胃，唔單止有酸酸甜甜嘅，咬落都好新鮮。
6 views
0 likes
0 comments
「直截了當」
刺身定食點咗唔係好多，只有三款刺身，但係三款都係我哋鍾意食嘅。三文魚切得好厚，感覺係啖啖肉，而且冇腥味。生蝦好爽口，咬落都唔會霉，夠曬彈牙，整體感覺都幾唔錯！
14 views
0 likes
0 comments
「破舊立新」
記得係呢度之前食過火鳥雞翼，今次有機會試到呢個電擊雞翼，應該都算係呢度嘅招牌菜。本身睇個樣以為電擊雞翼應該係偏微辣，而且係脆口嘅。但食落完全相反，入口係甜甜地，而且係放涼咗嘅，一種甜味之後，帶啲啲微辣感覺。而且係一字骨雞翼，食落好方便，就得欣賞！
3 views
0 likes
0 comments
3 views
0 likes
0 comments
6 views
0 likes
0 comments
「香氣馥郁」
主食我哋點左兩份，首先係白咖哩烏冬，一嚟到個賣相已經非常之吸引。有忌廉喺碗面，下面係黃咖哩烏冬，我哋試過就咁食下面既咖哩汁，但係感覺偏辣。但加埋忌廉之後味道啱啱好，稠度足夠而且辣度亦都係剛好。烏冬入口彈牙，唔係一夾就斷嘅平價烏冬。另外，見好多人都有嗌呢一個鯛魚泡飯，咁我哋都跟住叫咗一份。一上檯有個石頭鍋飯，仲醒有一壺魚湯，同埋三小碟配菜。泡飯面頭有鯛魚、帶子、蝦等食材，店員幫我哋加咗熱湯落去之後，等一陣就可以開始食。珍珠米吸收曬魚湯嘅味道，入口好鮮甜，而且蝦煎得啱啱好，咬落都係爽口嘅。我哋自己額外加咗玄米脆粒，食落嘅口感再多一個層次。兩份主食加埋真係不得了！
3 views
0 likes
0 comments
「畫龍點睛」
最後臨走前，我哋都忍唔住叫咗個甜品食。綠茶雪糕綠茶味超級香濃，而且側邊放嘅白玉同埋綠玉都非常之軟糯，配埋雪糕簡直係一流！雪糕下面有啲紅豆蓉，偏甜，但加埋雪糕可以話係啱啱好。冇後悔叫埋黎食！
Post
