老鳳冰室 (Closed)

今次穿越回到70年代懷舊香港地的冰室，由內至外都玩味十足，好有feel，還播著當年今曲，門口大大老鳳冰室，老闆收集左好多當然特色照牌同佈置添。揀左卡位坐低同老公撐枱腳，真係好多相影位，用黎裝 Menu扮懷舊信箱，menu outlook更張懷舊書信咁，真係好過隱呀。久違了的雜果賓治 只需近餐就可優惠價 $14 就可好抵啦！老鳳雪菜雞翼上海湯麵餐 $38雪菜鹹香配上海麵不錯，還有肉碎增加口感，湯底惹味非常跟餐還有煎紅腸炒滑蛋 厚多士真係經濟實惠，街坊價，正。虾多士 $38份量足，虾膠厚厚又彈牙，脆脆外層麵包炸得金黃熱辣辣，醮千島醬配 salad , 超滿足。飛哥華田賣相吸引華田夠濃，唯一係大多 cream , 唔係咁啱我口味。芝士焗生炸雞脾保齡球 $68嘩 送上枱時好驚訝，實在好大份，麵包夾著原隻大生炸雞脾，雞脾下仲有芝士焗飯釀在麵包內，認真豐富，味道也出色但偏鹹，真係唔打開都唔知內有乾坤的，另外還多跟一碗芝士醬比客人醮麵包食。