叁不館

Open Now

Now Closed

今次依一間火鍋店設計非常之港式地道，整個環境都係用香港懷舊設計，令人有穿越去舊時嘅感覺，不但有霓虹燈設計,亦都有舊時日曆張貼，同時亦有很多香港貼地的詞語。而菜式亦都非常之豐富，有曬一般火鍋店會有嘅野，而且部分而菜式會有特別嘅字句，我叫咗個＂媽！好辣啊＂嘅麻辣湯底，佢真係超辣，大概係譚仔大辣嘅程度，所以你食完應該都會大嗌媽！好辣啊🥵🥵！！！因此建議一般人試翻佢啲普通湯底🤣。佢一開始嘅前菜花生同青瓜都幾好食，然後佢嘅牛肉都好好味，菜式上亦有唔同嘅拼盤，最適合三心兩意咩都想要啲嘅人，雖然小編如想分享佢菜式嘅味道，但由於係湯底太辣，所以我都辣都無曬知覺😂，淨係覺得都唔錯，幾鍾意食佢嘅薯粉。🤤🤤🤤另外不得不說依間火鍋店嘅服務非常之好，我地本身叫比幾杯水我地，但佢地知道我地食得太辣，所以比左一大樽水我地，仲定時幫我地加冰，亦都主動幫我地湯底加水，令佢唔好咁辣。🥰🥰🥰而佢亦供應無障礙廁所,更有電動門，好適合帶鍾意舊香港嘅老人家過嚟🫶🏻咁有本地特色嘅火鍋店，真係好值得支持，希望大家都會嚟試下啦🫶🏻🫶🏻🫶🏻