Read full review
2022-09-28
204 views
餐廳主打特色中菜，熱盤、湯品、點心等都有，仲同蛇王芬crossover。裝修感覺好華麗，好多打卡牆身，走懷舊風。座位闊落，坐得舒服。晚市7點左右到，已經超級多人。招牌雙色蟹膏撈麵($139)，果然招牌，超好食，必點。首先，送上枱個陣用好大個碗裝，已經聞到蟹香味。蟹殼入面既蟹膏，超濃味，充滿鮮蟹味，唔知點解覺得有陣紫菜味添。如果驚單食膩，可以拌麵食。蟹肉、蟹黃、蟹籽量十足，加埋流心蛋，令每條麵都沾滿配料。份量多到一定要share食。蛇王芬特色套餐($139)，叫set就可以一次過試哂2款招牌，抵。花膠太史蛇羹超多料，啖啖都係配料，個羹完全唔會一patpat。另外仲有配料自己加，例如脆片，增加口感。蛇王芬臘味生炒糯米飯，糯米飯超香臘味味道，粒粒都油光發亮，軟糯。而且足料，有臘腸粒、肝粒、花生等，好香口，小小一碗，但其實食完好飽肚。啫啫雙腸芥蘭煲($89)，同樣利用鴨肝、臘腸炒香，令芥蘭帶燒臘味。而且沙煲keep到熱力，幾時食都夠暖。芥蘭爽脆，臘腸厚切添。蘿蔔絲酥餅($39)，酥餅外型紋理一條條咁，好特別。咬開超脆，見到滿滿蘿蔔絲餡。蘿蔔甜，而且軟，炸完都唔會覺得膩。新菜式唔錯。原味小籠包(
招牌雙色蟹膏撈麵($139)，果然招牌，超好食，必點。首先，送上枱個陣用好大個碗裝，已經聞到蟹香味。
招牌雙色蟹膏撈麵
$139
16 views
0 likes
0 comments
蟹殼入面既蟹膏，超濃味，充滿鮮蟹味，唔知點解覺得有陣紫菜味添。如果驚單食膩，可以拌麵食。蟹肉、蟹黃、蟹籽量十足，加埋流心蛋，令每條麵都沾滿配料。份量多到一定要share食。
16 views
0 likes
0 comments
蛇王芬特色套餐($139)，叫set就可以一次過試哂2款招牌，抵。花膠太史蛇羹超多料，啖啖都係配料，個羹完全唔會一patpat。
花膠太史蛇羹
9 views
0 likes
0 comments
另外仲有配料自己加，例如脆片，增加口感。
11 views
0 likes
0 comments
蛇王芬臘味生炒糯米飯，糯米飯超香臘味味道，粒粒都油光發亮，軟糯。而且足料，有臘腸粒、肝粒、花生等，好香口，小小一碗，但其實食完好飽肚。
蛇王芬臘味生炒糯米飯
20 views
0 likes
0 comments
啫啫雙腸芥蘭煲($89)，同樣利用鴨肝、臘腸炒香，令芥蘭帶燒臘味。而且沙煲keep到熱力，幾時食都夠暖。芥蘭爽脆，臘腸厚切添。
啫啫雙腸芥蘭煲
$89
8 views
1 likes
0 comments
蘿蔔絲酥餅($39)，酥餅外型紋理一條條咁，好特別。咬開超脆，見到滿滿蘿蔔絲餡。蘿蔔甜，而且軟，炸完都唔會覺得膩。新菜式唔錯。
蘿蔔絲酥餅
$39
14 views
0 likes
0 comments
10 views
0 likes
0 comments
原味小籠包($29)，利用小dropper整gimmick，dropper入面有紅醋，咁就可以成個小籠包都充滿醋味。內餡肉鮮甜，咬開有肉汁流出，皮唔算厚，適中。
原味小籠包
$29
12 views
0 likes
0 comments
椰絲凍小白兔($39)，尼個口感超jeng，好似食緊軟雪糕咁。白雪雪兔仔外型夠吸引，而且凍凍地，入口即溶，滿口都係椰子味。賣相亦好靚。
椰絲凍小白兔
$39
9 views
0 likes
0 comments
竹蓆茅根馬蹄薏米水($26)，恐龍美祿($26)，薏米水微甜清爽，岩哂夏天清熱。而後者超多美祿粉，夠濃郁。
10 views
0 likes
0 comments
整體，食物高質，賣相同餐牌既相一樣，靚之餘，仲調味合宜。食物份量又足，好適合一家大細、聚會。而且侍應服務有禮，值得食。
Post
