La Parrilla Steakhouse

中間有間阿根廷扒房，以深木系作為主調，搭配紅磚牆同吊扇等仿佛去咗外國，氣氛十足。餐廳設有自家熟成櫃，將來自阿根廷唔同地區嘅牛肉熟成，其一招牌菜為肉眼扒，大木板上，中間有鐵板熱住牛肉，咋咋聲，外焦內軟，兩邊分別放上6款醬料，可以一次過試到多種口味。另外私心推介呢度嘅烤羊架，四大件，羊香氣四溢，肉質嫩滑多汁，搭配紅蘿蔔蓉可降低油膩感。奶油忌廉焗薯片同樣值得一試，出面好少見，薯仔切薄片，層層疊排，加入調味再放上芝士去焗，口感層次分明，令人一試愛上。店員服務態度友善，感覺舒適，適合聚餐。