樓下冰室

Open Now

Now Closed

教會係大窩口，完左聚會。就鍾意來荃薈商場-樓下冰室食野！樓下冰室懷念裝修，七八十年代風格，卡位座位坐得舒服。餐牌好多款式選擇😍有下午茶餐、有主食、特色野飲⋯出名招牌瑞士雞脾，大件多肉，口感好滑，非常入味！老公最愛！而我就鍾意另一款招牌瑞士雞翼，細件容易入口，雞翼吸收晒瑞士汁，入口好嫩滑！主菜方面，我揀左台式肉燥豬扒飯。哩個份量足料，豬扒大塊，肉燥好多，仲有肉鬆💕老公就點左西冷牛扒拼腸仔秘制香蔥豉油汁飯，份量豐富，牛扒唔會韌！最後叫左兩杯華田脆脆❤️正啊！夠甜又夠凍！茶餐廳價錢，大眾化，抵食之選！