良記餐廳(老鳳冰室)

今日陪男友去佢最愛既茶記食野，呢間茶記既黑松露炒蛋多士，每次黎都必食，多士烘得脆卜卜，搽左層牛油有啖啖牛油香味，炒蛋 好滑溜 一d都唔老，師傅好大器 落左好多黑松露，好正呀。

黑松露炒蛋多士

另叫左份芝士豬頸肉撈丁，芝士多到呢，已佔據成碟，啖啖都撈到芝士醬汁，好邪惡呀！芝士咸香味道岩岩好，豬頸肉幾淋身 份量都幾多。叫呢個撈丁仲會送塊厚多士，多士 烘得幾脆，陣陣牛油 香，讚。

1

芝士豬頸肉撈丁

見到餐牌d飲品名好得意，我叫左杯飛仔華田，個名夠特別之餘，呢杯野仲夠哂重量級添！華田味道好濃郁唔再講，上面有一pat cream、華田餅乾、朱古力 可可脆片同星星蜜糖脆片，呢杯好好飲👍🏻

飛仔華田

而我男友係非常中意飲奶茶既人，就叫左杯紅豆波波奶茶，奶茶上有兩粒波波，大粒過乒乓球，係用奶茶雪成波波形狀，下面就有勁多紅豆，男友話好正。

紅豆波波奶茶